Gwelet an tarzh evit Mor Du

{{Databox}}
[[Restr:Mer Noire (carte).png|300px|thumb|dehou|Ar Mor Du.]]
Ur mor kreizkevandirel eo ar '''Mor Du''' gant [[riez]]où [[Europa]] hag [[Azia]] tro-war-dro: [[Ukraina]] ha [[Rusia]] en [[norzh]], [[Jorjia]] er [[reter]], [[Turkia]] er [[su]], [[Bulgaria]] ha [[Roumania]] er [[kornôg|c'hornôg]]. [[Mor Azov]] zo ur mor bihan en [[hanternoz]] enklozet gant [[ledenez]] [[Krimea]]. Gorread an daou vor a zo 461 000 km², ennañ 38 000 km² evit mor Azov.
Daou [[strizh-mor]] (ar [[Bosfor]] hag an [[Dardanelloù (strizh-mor)|Dardanelloù]]) hag ur morig etrezo, [[Mor Marmara]], a lez un hent betek [[Mor Egaios]] p'emañ [[strizh-mor Kertch]] etre ar mor Du ha mor Azov. <br />
Meur a stêr a ya ennañ ken n'eo ket gwall sall dourioù ar mor. Ar [[stêr]]ioù pennañ eo ar [[Boug]], an [[Dniepr]], an [[Dniestr]], an [[Danav]], ar Stêr Ruz (Kizil Irmak), ar Rioni hag ar Sakarya.

== Orin an anv ==
Kavet e vez an anv Mor Du en {{XIIIvet kantved}} (Μαύρη Θάλασσα) pa veze graet anezhi ar ''Pontos'' (Πόντος), da lavarout eo ar Mor hervez [[Strabo]]. Koulskoude ec'h implije ar C'hresianed hag ar Romaned Εύξεινος Πόντος ''Euxeinos Pontos'', ar ''Mor degemerus''. Un dro-zic'harvaat eo pa oa bet roet an anv kontrol ''Pontos Axeinos'', ''ar mor dizegemerus'' ([[Pindaros]], e deroù ar {{Vvet kantved kt JK}}). Hervez Strabo e kave diaes ar C'hresianed bevañ war ribloù ar mor-se pa oa [[meuriad]]où "gouez" tro-war-dro.<br /> Lod eus ar ouizieien a gred e teu ar ger ''Akeina'' eus ar ger [[perseg|persek]], al liv du e dalvoudegezh. Evel-se e vije kozh-tre al lavar memes tra, pa weler e oa un doare evit envel ar [[roud-avel|roudoù-avel]] dre livioù e c'heller kompren e talveze ar Mor Du evit mor an Hanternoz, pa dalveze ruz evit ar Su (sellit ouzh anv ar [[Mor ruz]]). <br /> Bremañ e reer gant an anv-gwan "du" e kazi pep yezh: [[turkeg]] ''Kara Deniz'', [[rusianeg]] Чёрное море, [[bulgareg]] Черно море, ''Cherno more'', [[jorjieg]] შავი ზღვა, ''shavi zghva'', [[ukraineg]] ''Chorne More'', [[roumaneg]] ''Marea Neagră'', [[lazeg]] ''Ucha Zuğa'', [[oubic'heg]] ʃʷaʤa.

{{Mor Du}}

[[Rummad:Morioù]]
[[Rummad:Mor Du]]