Llywelyn Fardd Iañ

Unan eus Barzhed ar Briñsed en XIIvet kantved e oa Llywelyn Fardd I^añ (war-dro 1125 - 1200). Graet e vez an anv-se anezhañ abalamour d'ur barzh all en XIIIvet kantved, a vez graet Llywelyn Fardd II anezhañ.

Istor

N'ouzer ket kalza dra diwar e benn. Ur varzhoneg en deus savet d'an abad Morfran, eus Tywyn, marvet e 1147, evel-se e ouzomp pegoulz e veve. Div varzhoneg en deus savet ma tiskouez karantez ouzh Cantref Meirionnydd pezh a ziskouez e teue alese. Krediñ a reer e oa Cywryd anv e dad.

Kanet en deus meuleudi da briñsed Rouantelezh Powys ha Rouantelezh Gwynedd. Pemp pezh gantañ a gaver en dornskridoù kozh. Unan anezho a zo 'Canu Cadfan', ur meulgan da Sant Cadfan.

Levrlennadur

• Catherine McKenna (gol.), 'Gwaith Llywelyn Fardd I', yn Kathleen Anne Bramley et al. (gol.), Gwaith Llywelyn Fardd I ac eraill o Feirdd y Ddeuddegfed Ganrif (Gwasg Prifysgol Cymru, Caerdydd, 1994). Y golygiad safonol o waith Llywelyn Fardd, yng 'Nghyfres Beirdd y Tywysogion'.