Liran
| |||
|---|---|---|---|
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Mammalia | ||
| Urzhad : | Rodentia | ||
| Kerentiad : | Gliridae | ||
| Genad : | Dryomys | ||
| Anv skiantel | |||
| Dryomys nitedula Pallas, 1778 | |||
D'ar vevoniezh   e tenn ar pennad-mañ. | |||
Al liran (Dryomys nitedula) a zo ur c'hrigner noz eus Eurazia ha Norzhafrika, tost ouzh al lir hag an hunegan gris.
Doareoù pennañ
[kemmañ | kemmañ ar vammenn]Etre 8 ha 13 cm eo hirder e gorf hag etre 6 hag 11 cm hini e lost blevek. War-dro 20 - 30 g eo e bouez.
Gris pe gell-melen eo blevenn e gein ha gwenn e gof.
Gouennañ
[kemmañ | kemmañ ar vammenn]Mare ar gouennañ zo diouzh al lec'h m'emañ o chom : etre miz Meurzh ha miz Kerzu en Israel (ha 2 pe 3 zorad ar bloaz) hag etre miz Mae ha miz Eost en Europa (1 torad ar bloaz). An dougen a bad etre 21 ha 30 deiz ha betek 7 kolen a c'hell bezañ ganet bewech.
Ar c'holen liran zo 2 g a bouez ennañ hag e tigor e zaoulagad d'an oad a div sizhun. Gallout a ra gouennañ goude e c'hoañvezh kentañ.
Emzalc'h
[kemmañ | kemmañ ar vammenn]Bevañ a ra er gwez ma c'hell pignat aes enno ha lammat a vrank da vrank.
Kousket a ra en un neizh savet buan-ha-buan er gwez. Aketusoc'h eo pa sav an neizh boulheñvel ma vo ar re vihan : lec'hiet eo hemañ etre 1 ha 7 m a-us an douar hag e tigor war kef ar wezenn.
Oberiant eo diouzh an noz. Goañvaat a ra al liraned a vev e hanternoz o ziriad.
Boued
[kemmañ | kemmañ ar vammenn]Un hollzebrer eo hag en em vagañ a ra diwar delioù, bleunioù, frouezh, kraoñ, artropoded, vioù hag evned bihan.