Gwelet an tarzh evit Kopenhagen

{| class="infobox" cellspacing="2" style="font-size:85%;"
|-
{{Infobox/Titl|'''Kopenhagen<br>København'''|c7042c|talbenn map|fff}}
|-
| colspan="2" align="center" | [[Restr:Kopenhagen stadhuis.jpg|290px]]<br>An ti-kêr
|-
| colspan="2" align="center" | [[Restr:Denmark - Kopenhagen.jpg|290px]]<br>Lec'hiadur Kopenhagen e Danmark<br>[https://www.google.fr/maps/place/Copenhague,+Danemark/@55.6713441,12.523613,8z/data=!4m5!3m4!1s0x4652533c5c803d23:0x4dd7edde69467b8!8m2!3d55.6760968!4d12.5683371 55° 43' N - 12° 34' R]
|-
| colspan="2" | <hr>
|-
|'''[[Riez]]'''
|{{Danmark}}
|-
|'''Rannvro'''
| [[Hovedstaden (rannvro)|Hovedstaden]]
|-
| '''Kod pellgomz'''
| 
|- valign="top"
| '''Maer'''<br>''Overborgmester''
| Frank Jensen (sokialour)<br />2009-
|- valign="top"
| '''Gorread'''<br>• Takad kêrel a-bezh
| 88 km²<br> 455.61 km²
|-
| '''Uhelder'''
| 1 m
|- valign="top"
| '''Poblañs''' <small>hep kontoù doubl</small><br>• Takad kêrel a-bezh
|528 208 <small>(2010)</small><br>1 181 239
|-
| '''Stankter'''
|6 002/km²
|-
|}
'''København''' ([købm̩ˈhawˀn], e [[daneg]]) pe '''Kopenhagen''' (hervez an alamaneg) eo kêr-benn ha kêr vrasañ [[Danmark]]. Dont a ra anv danek ar gêr eus distummadur ur stumm koshoc’h ''Købmandshavn'' a dalveze "porzh ar varc’hadourien", dre ma oa ur porzh-mor lec’hiet brav e digor ar [[Mor Baltel]], war aod reter enez ''[[Sjælland]]''. Dont a ra an anv brezhonek eus ar stumm alamanek ''Kopenhagen'', zo tremenet e meur a yezh eus kornôg [[Europa]]. E Kopenhagen emañ sez parlamant Danmark ha palez ar roueed. War-dro 1,8 milion a dud zo o chom e kêr ha tro-dro. 

== Istor ==
Savet e voe Kopenhagen war-dro ar bloavezh 1000, gant [[Sweyn I a Zanmark|Sweyn I{{añ}}]] hag e vab [[Knut ar Bras]]. Ur gêriadenn vras a besketaerien e voe betek kreiz an {{XIIvet kantved}}, pa zeuas da vezañ perc’hennet gant an eskob [[Absalon]] ha pa voe kreñvaet gantañ e [[1167]]. Dre ma oa mat ar porzh e kreskas Kopenhagen evit dont da vezañ ur greizenn genwerzh a bouez. Taget e voe meur a wech gant [[Kevre an Hansa]], dre ma oa c’hoantaet pinvidigezh ar porzh bras gant tud hanternoz Alamagn. E 1658-1659 e voe lakaet seziz war kêr gant Svediz [[Karl X a Sveden|Karl X]]. E [[1801]] e voe un emgann er porzh etre [[morlu]] [[Breizh-Veur]], renet gant an Amiral Parker, ha [[morlu]] [[Danmark]]. E [[1807]] adarre e voe listri [[Breizh-Veur]] eno, o vombardañ Kopenhagen evit ma ne gouezhfe ket [[morlu]] [[Danmark]] etre daouarn [[Napoleon|Napoleon I{{añ}}]]. Neuze e voe distrujet ul lodenn vat eus kêr ha kantadoù a dud a voe lazhet. E-pad an [[Eil brezel bed]] e voe aloubet Kopenhagen hag ar peurrest eus Danmark gant soudarded [[Alamagn|alaman]], etre miz Ebrel [[1940]] ha miz Mae [[1945]].

Abaoe ar bloavezh [[2000]] eo liammet kêrioù Kopenhagen ha [[Malmö]], e [[Sveden]], gant ur pont-riboul ([[Pont Øresund]]), ma c’hell tremen trenioù ha kirri.

== Endro ==
E miz Kerzu 2009 e vo aozet un [[Kendalc'h Kopenhagen|emvod etrevroadel war tommadur an hin]] gant [[Aozadur ar Broadoù Unanet]].

== Un nebeud tud vrudet genidik eus Kopenhagen ==
* [[Hans Christian Andersen]]
* [[Niels Bohr]]
* [[Tycho Brahe]]
* [[Nikolai Grundtvig]]
* [[Ludvig Holberg]]
* [[Søren Kierkegaard]]

== Kêrioù gevellet ==
* [[Pariz]], {{Bro-C'hall}}
* [[Marsilha]], {{Bro-C'hall}}
* [[Reykjavik]], {{Island}}
* [[Nürnberg]], {{Alamagn}}
* [[Praha]], {{Tchekia}}
* [[Beijing]], {{Sina}}
* [[New York]], {{SUA}}
* [[Nuuk]], {{Greunland}}

== Liammoù diavaez ==
* [http://www.visitcopenhagen.dk/ Bravat Kopenhagen] lec’hienn evit an douristed
* [https://web.archive.org/web/20040402093123/http://netkontor.dk/cph/ skeudennoù eus Kopenhagen]

[[Rummad:Danmark]]
[[Rummad:Kêrioù-penn Europa]]
[[Rummad:Kêrioù Danmark]]
[[Rummad:Kopenhagen]]