Gwelet an tarzh evit Kastell Machikoul

{{Infobox Kastell
| anv = Kastell Machikoul
| skeudenn = Chateau de Machecoul ( de Gilles de Rais ).jpg
| alc'hwez = Mogerioù ar c'hastell.
| anv all = Kastell [[Jili Raez]]
| yezh1 = [[galleg|gallek]]
| anv yezh1 = ''Château de Machecoul'', ''château de Gilles de Rais''
| marevezh = [[Krennamzer]]
| doare = [[Kastell-kreñv]]
| savidigezh = {{XIIIvet}} - {{XVIvet}} kantved
| perc'henn bremañ = prevez, kumun [[Machikoul-Sant-Masen]]
| gwarez = {{Monumant istorel enskrivet|deiziad=2004}}
| ledred = 46° 59′ 29″ N
| hedred = 1° 48′ 51″ K
| liamm = https://www.openstreetmap.org/way/458650449
| rannvro1 = {{Breizh}}
| seurt rannvro1 = Bro
| rannvro2 = {{Liger-Atlantel}}
| seurt rannvro2 = [[Departamant gall|Departamant]]
| rannvro3 = {{Bro-Naoned}}
| seurt rannvro3 = [[Broioù hengounel Breizh|Bro hengounel]]
| kumun = [[Machikoul-Sant-Masen]]
}}'''Kastell Machikoul''', pe '''Kastell Jili Raez''', zo ur c'hastell savet e [[Machikoul]], e [[Bro-Naoned]], e gevred [[Breizh]].

Savet e voe ar c'hastell kentañ en {{XIIIvet kantved}}, ha kemmoù a voe degaset dezhañ meur a wech a-hed ar c'hantvedoù. Pa oa en e bezh e oa ur c'hastell-kreñv, gant c'hwec'h [[Tour (savadur)|tour]] kranellek, un [[tour-meur]] ha [[touflez|touflezoù]] en-dro dezhañ.

Distrujet e voe goude an [[Dispac'h Gall]] ha [[Brezel Vendée|Brezelioù Vande]] hag implijet e voe ar mein anezhañ evit sevel tiez ha pavezañ hentoù e Machikoul. Hiziv ne chom nemet tammoù mogerioù anezhañ.

== Istor ==
Savet e voe ar c’hastell en {{XIIIvet kantved}}, e-lec’h unan koshoc’h, eus an {{IXvet kantved}}, war ribl ar stêr [[Falleron]], gant aotrounez [[Rae]]. Tri maread labourioù a voe : e deroù an {{XIIIvet}} kantved, e-tro 1500 hag e dibenn ar {{XVIvet kantved}}.

Unan eus kestell [[Marzioù dispartiañ Breizh ha Poatev|Marzioù Breizh]] e oa, war harzoù [[Marzioù dispartiañ Breizh ha Poatev|Poatev]], evel [[kastell Klison]] pe [[Kastell Tiffauges|hini Tiffauges]]. Ur c’hastell pouezus eo evit istor Breizh eta. Ouzhpenn se e voe unan eus lec’hioù annez aotrouien Raez. Eno e oa bet [[Jili Raez]] (1405-1440) o vevañ, moarvat, ha dre se e reer ''"kastell Jili Raez"'' anezhañ. Hervez a lenner en aktaoù e brosez e oa bet lazhet meur a blac’h yaouank gantañ er c'hastell-se. Dirak dor ar c'hastell ivez e oa bet Jili Raez o’n em zaskor da zileuriad an dug [[Yann V (dug Breizh)|Yann V]], a-raok bezañ kaset da Naoned da vezañ barnet d’ar 15 a viz Gwengolo [[1440]]<ref>Matei Cazacu, ''Gilles de Rais'', Paris, Tallandier, 2005, p.157.</ref>.

E-pad an [[Dispac'h Gall]] e oa bet c'hwezhet an tan er c'hastell, e 1792. Eno ivez e voe prizoniet republikaned e 1793<ref>[https://web.archive.org/web/20081210154617/http://museepaysderetz.free.fr/1789-1989_14.html Lec’hienn  ''Mirdi Bro Raez'']</ref>. E 1804 e voe diberc’hennet aotrou diwezhañ Raez, [[Alexandre de Brie-Serrant]] (1748-1814), ha prenet e voe ar c'hastell gant kumun Machikoul. Lezet e voe war an dispalu ha troet e voe en ur vengleuz e deroù an XIXvet kantved. Talvezout a rae ar mein anezhañ da veinañ hentoù ar vro ha da sevel tiez.
Maen-badeziant iliz Machikoul hiziv a zeu eus chapel ar c'hastell<ref>INFOBRETAGNE. ''[http://www.infobretagne.com/machecoul.htm Glad Machikoul]'', 2008.</ref>.

Hiziv ne chom nemet aspadennoù eus ar c’hastell : mogerioù diavaez an tour-meur hag un tamm moger diabarzh. Lakaet e voe ar rivinoù-se war roll ar monumantoù istorel e 2004<ref>[http://www.culture.gouv.fr/public/mistral/merimee_fr?ACTION=CHERCHER&FIELD_1=REF&VALUE_1=PA00108639 Diaz Mérimée]</ref>.

== Pennadoù kar ==
* [[Jili Raez]]
* [[Marzioù dispartiañ Breizh ha Poatev]]
* [[Marz Breizh]]

== Liammoù diavaez ==
* {{fr}}[http://www.culture.gouv.fr/public/mistral/merimee_fr?ACTION=CHERCHER&FIELD_1=REF&VALUE_1=PA00108639 Diaz Mérimée, Ministrerezh gall ar Sevenadur]
* {{fr}} [http://gallica.bnf.fr/ark:/12148/bpt6k5487239w/f57.image Charles Mourain de Sourdeval, « Les sires de Retz et le château de Machecoul », e ''Mémoires de la Société archéologique de Touraine'', levrenn II, 1843-1844]

==Notennoù==
{{Daveoù}}
{{patrom:Kestell Breizh}}
[[Rummad:Kestell Bro-Naoned|Machikoul]]
[[Rummad:Kestell al Liger-Atlantel]]
[[Rummad:Machikoul]]