Gwelet an tarzh evit Kastell Gwitreg

{{Infobox Kastell
| anv = Kastell Gwitreg
| skeudenn = Castle-Vitre-France5.jpg
| alc'hwez = An nor vras ha tour Sant Laorañs.
| yezh1 = [[galleg|gallek]]
| anv yezh1 = ''Château de Vitré''
| marevezh = Roman, gotek, azginivelezh, nevezc'hotek
| doare = [[Kastell-kreñv]]
| deroù sevel = {{XIvet}} kentved
| dibenn sevel = 1913
| perc'henn kentañ = [[Roparzh I Gwitreg]]
| perc'henn bremañ = Kêr Witreg
| implij bremañ = Maerdi, mirdi
| gwarez = {{Monumant istorel enskrivet|deiziad=1872}}
| ledred = 48° 07′ 28″ N
| hedred = 1° 12′ 55″ K
| liamm = https://www.openstreetmap.org/way/42757666
| rannvro1 = {{Breizh}}
| seurt rannvro1 = Bro
| rannvro2 = {{Il-ha-Gwilen}}
| seurt rannvro2 = [[Departamant gall|Departamant]]
| rannvro3 = {{Bro-Roazhon}}
| seurt rannvro3 = [[Broioù hengounel Breizh|Bro hengounel]]
| kumun = [[Gwitreg]]
| lec'hienn = [https://chateau.vitre.bzh/chateau-vitre-musee/ chateau.vitre.bzh]
}}'''Kastell Gwitreg''' a oa bet savet er [[Krennamzer|Grennamzer]] e [[Gwitreg]], e reter [[Bro-Roazhon]], tost d'an harzoù etre [[Breizh]] ha [[Bro-C'hall]]. 

Ur [[Moudenn-gastell|voudenn-gastell]] e oa ar c'hastell kentañ a voe savet e Gwitreg, el lec'h m'emañ bremañ iliz ar Groaz Santel. Ur c'hastell graet gant koad e oa, ha devet e voe meur a wech.

Ar savadur mein kentañ a voe savet war-dro 1050 gant baroned Gwitreg, war un dorgenn a-us ar stêr [[Gwilen]]. E-touez an aspadennoù eus ar savadur-se ez eus un nor vras, er c'hiz romanek. En {{XIIIvet kantved}} e voe brasaet ar c'hastell gant ar baron Andrev III, a roas dezhañ ar stumm tric'hornek en deus bremañ. Gantañ ivez e voe savet mogerioù-difenn en-dro da Witreg, etre 1220 ha 1250.

Goude marv Andrev III e tremenas ar c'hastell etre daouarn konted [[Laval (Mayenne)|Laval]]. Dre ma oa bet kemeret kêr Laval gant ar Saozon e 1428, en em stalias konted Laval e kastell Gwitreg e-pad ouzhpenn ur c'hantved. Ganto e voe brasaet ar c'hastell c'hoazh, er {{XVvet kantved}}. D'ar mare-se e voe graet al labourioù-difenn diwezhañ, gant an nor-dal, ur [[pont-gwint]] doubl, an ''tour Sant-Laorañs'' (an [[tour-meur]], lakaet warnañ digoroù evit kanolioù) ha ''tour Madalen''. E 1487, e-pad ar brezel etre Breizh ha Bro-C'hall, e voe lezet soudarded c'hall [[Charlez VIII (Bro-C'hall)|Charlez VIII]] da zont tre er c'hastell, hep emgann ebet, gant Guy XV Laval.

Labourioù kempenn a bep seurt a voe graet er c'hastell goude se, evel pa voe savet un [[orator]] e 1530. [[Breujoù Breizh]] a gavas repu teir gwech er c'hastell e dibenn ar {{XVIvet kantved}} (e 1564, 1582 ha 1583), pa oa ar [[Bosenn|vosenn]] oc'h ober he reuz e [[Roazhon]].

Perc'hennet e oa ar c'hastell gant tiegezhioù Reoz ha Cologny etre 1547 ha 1605, ha d'ar c'houlz-se e oa unan eus kreñvlec'hioù ar Brotestanted. E 1589 e voe lakaet seziz war ar c'hastell, e-pad pemp miz, gant dug Mercœur, met en aner. E 1605 e tremenas ar c'hastell etre daouarn tiegezh Trémoille, genidik eus [[Poatev]], ha chom a reas ganto betek an [[Dispac'h gall]]. Dilezet e voe ar c'hastell er {{XVIIvet kantved}} ha war an diskar ez eas goude-se. 

En {{XIXvet kantved}} e oa ur prizon el lodenn norzh eus ar c'hastell (tour Madalen). E 1876-1877 e teuas da vezañ ur c'hazarn evit reiñ bod da soudarded war droad. 

Prenet e voe ar c'hastell gant an ti-kêr e 1820. Hag e 1872, hag adarre e 1902, e voe renket e-touez ar monumantoù istorel. Labourioù adkempenn a voe kaset da benn, adalek 1875, renet gant an tisavour Darcy. Diwar atiz [[Arthur de La Borderie]] e voe digoret ur mirdi bihan ennañ, e 1876. An ti-kêr a voe savet e porzh ar c'hastell, gant an tisavour Paul Grout, er bloavezhioù 1902-1913.

Unan eus kestell meurdezusañ Breizh eo kastell Gwitreg. 

<gallery mode="packed" heights="250px" style="margin-top:20px;">
Château de Vitré Place St-Yves.JPG|Tu ar c'hreisteiz
Bretagne Ille Vitre1 tango7174.jpg|Tu ar reter, ha plasenn ar C'hastell
</gallery>

==Pennadoù kar==
*[[Gwitreg]]
*[[Listenn kistilli Breizh]]

==Liammoù diavaez==
{{commonscat|Château de Vitré}}

* [https://www.pop.culture.gouv.fr/notice/merimee/PA00090896 Fichenn Kastell Gwitreg er renabl Mérimée], ministrerezh ar sevenadur gall
* ''[https://chateau.vitre.bzh/chateau-vitre-musee/ Le Château de Vitré et son musée],'' war lec'hienn touristelezh Gwitreg

* [http://www.casteland.com/pfr/chateau/bretagne/illevil/vitre/vitre.htm Kastell Gwitreg, el lec'hienn Castleland]
{{patrom:Kestell Breizh}}
[[Rummad:Kestell an Il-ha-Gwilen|Gwitreg]]
[[Rummad:Kestell Bro-Roazhon|Gwitreg]]
[[Rummad:Gwitreg]]