Gwelet an tarzh evit Kabinda

{{databox}}
[[Skeudenn:Bandeira proposta da República de Cabinda.svg|200px|thumb|right|Banniel broadelourien Kabinda]]
[[Image:Cabinda, R. Congo, D.R. Congo, Angola.png|right|frame|{{legend|#ff0000|'''Kabinda''' (Kongo portugalat)}}{{legend|#00ff00|[[Republik Kongo]]}}{{legend|#0000ff|[[Republik Demokratel Kongo]]}}{{legend|#ff00ff|[[Angola]]}}]] 
'''Kabinda''' ([[portugaleg]]: '''''Cabinda''''', gwezhall "'''Kongo portugalat'''"; '''''Congo Português''''') zo unan eus proviñsoù [[Angola]], distag diouzh ar peurrest eus ar vro-se hag enklozet etre [[Republik Kongo]] en norzh, [[Republik Demokratel Kongo]] er su hag er reter hag ar [[Meurvor Atlantel]] er c’hornôg. En em astenn a ra war 7 270 km² ha war-dro 716 076 a dud zo o chom enni. [[Tsiowa]] (anvet ivez Tchiowa pe Kabinda) eo ar gêr-benn.

Unan eus trevadennoù Portugal e voe Kabinda e-pad meur a gantved. Er [[bloavezhioù 1960]] e krogas ar stourm evit dizalc’hiezh ar vro. Gant ul luskad anvet [[Talbenn evit Dizalc'hiezh Enklozadur Kabinda]] (FLEC), a stourme ouzh arme Portugal, e voe disklêriet dizalc’hiezh ar vro d’ar [[1añ Eost|1añ a viz Eost]] [[1975]]. [[Luiz Branque Franque]] a voe dilennet da brezidant Republik Kabinda.

E miz Du 1975 e voe embannet dizalc’hiezh Angola, hag un tammig goude-se, d’ar [[4 Genver|4 a viz Genver]] [[1976]] e voe aloubet Kabinda gant nerzhioù Luskad ar bobl evit dieubidigezh Angola ([[MPLA]]), skoazellet gant soudarded eus [[Kuba]]. Rankout a reas ar FLEC mont da guzh er c’hoadoù hag eno e kendalc’has gant e stourm evit disrannañ Kabinda diouzh Angola. Bec'h zo er vro, abalamour ma'z eus [[tireoul]] enni. War-dro un drederenn eus tud Kabinda zo repuet e [[Republik Demokratel Kongo]].
[[Skeudenn:Cabinda pol77.jpg|250px|right]]

An darn vrasañ eus tud Kabinda a gomz [[kongoeg]]. Anaoudegezh o devez alies eus ar [[portugaleg]], yezh an drevadennerien, hag a-wechoù eus ar [[galleg]], yezh ofisiel ar stadoù amezek.

== Liammoù diavaez ==
* [http://www.cabinda.org/ Lec'hienn Republik Kabinda, en harlu]
* [https://web.archive.org/web/20071218063740/http://www.cabindamonde.info/ Cabinda Monde Info]

{{Proviñsoù Angola}}
[[Rummad:Angola]]

[[ca:Cabinda]]
[[ro:Cabinda]]