Gwelet an tarzh evit Juted

{{databox}}
Ar '''Juted''' pe '''Iuti''', pe '''Iutae''' a oa ur [[Pobloù Germanek|bobl c'hermanek]] hag a oa, hervez [[Beda]], unan eus teir fobl pouezusañ e [[Preden]]<ref>Bede (1723:46)</ref>. Krediñ a reer e teuent eus [[Jutland]] (anvet ''Iutum'' e [[Latin]]) e [[Danmark]], [[Schleswig]] hag eus darn eus [[Frizia]].

Tra ma lec'hi Beda ar Juted en tu-arall D4an [[Angled]] e-keñver ar [[Saksoned]], e oant marteze ar memes pobl hag an '''Eucii''', pe ''Saxones Eucii'', a oa liammet en un doare anat gant ar Saksoned ha sujet d'ar [[Franked]] e [[536]]. Hervez [[Tacitus]] e oa ur bobl, '''Eudoses''' o anv o vevañ e norzh Jutland hag a c'hellfe bezañ ar Juted. Marteze ivez avat e oant bet an '''Eotenas''' (''ēotenas'') o-doa kemeret perzh en ur brezel etre ar [[Frizianed]] hag an [[Daniz]] meneget e ''[[Beowulf]]'' (linennoù 1068–1159. ''ēotenas'' a c'hellfe bezañ an hevelep ger hag ''jotuns'' (ramzed) pe ur [[c'henning|kenning]] evit enebour. Posupl eo ivez e oant ur meuriad, '''Euthiones''' e anv, meneget un ur varzhoniezh gant [[Venantius Fortunatus]] (583). Sujet da [[Chilperic I]] e vefent bet d'ar mare-se.

[[Asser]], en e ''Buhez Akfred'' a lar e oa mamm [[Alfred Meur]], [[Osburga]], un diskennad eus Juted [[Enez Wight]], a vefe, hervezañ an hevelep pobl hag ar [[goted]]. N'eo ket gwirheñvel tre, avat. Hervez ur vartezeadenn a-vremañ, avat e vefe ar Juted ar [[Geated|C'heated]], ur bobl a veve gwechall e su [[Sved]]. En andonioù kozh e oant galvet ''Eotas'', ''Iótas'', ''Iútan'', pe ''Geátas''. Sklaer eo e ''[[Widsith]]'' and ''Beowulf'' e oa disheñvel an ''Eotenas'' eus ar ''Geátas''. Posupl eo e oant bet kmmesket an daou anv evel ma'z eo posupl e oa ar Juted ur bobl liammet ouzh ar [[Geated|C'heated]]. En '[[Gutasaga]]'' eo meneget e oa aet kuit d'ar c'hevandir un darn eus tud [[Gotland]]. 

Asambles gant an [[Angled]], ar [[Saksoned]] hag un nebeud [[Frizianed]] e oa ar Juted e touez ar meuriadoù a oa treuzet [[Mer an Norzh]] da breiziañ ha aloubiñ [[Preden]] goude ar {{IVe kantved}}. Hervez Beda o-defe en em staliet e [[Kent]] (ma voent galvet ar ''Cantuarii''), [[Hampshire]] (e [[Wessex]]) hag en [[Enez Wight]] (ma voent anvet ''Uictuarii''). Bez ez eus un nebeud ag anvioù-lec'h a ziskouez e vev Juted er rannvro, evel ''Ytene'', a vefe bet anvioù kozh [[New Forest]] hervez [[Florence Worcester]].

Tra ma'z eo aes da welout o levezon e Kent ez eo aet da get ar Juted er rannvroioù arall. Goude ma oa bet staget [[Rouantelezh Ket]] ouzh [[Wessex]] e oan bet beuziet gant ar meuriadoù arall da furmiñ ar bobl [[saoz]]. Hervez un nebeud a glaskourien, avat, e vefe bet lazhet tout ar Juted Hampshire goude aloudabeg ar rannvro gant Wessex. N'eo ket sur, avat, ha posupl eo an noblañs hepken a oa distrujet, ma oa boutin er mare-se, tra ma oa heñvelekaet ar werin.

== Notennoù ==
{{reflist|2}}

== Andonioù ==
{{refbegin|2}}
* [[Frank Stenton|Stenton, Frank M.]] (1971). ''Anglo-Saxon England'', 3rd ed. Oxford: Oxford University Press. <small>{{ISBN|0-19-821716-1}}.</small> 
* [[Venerable Saint Bede]] (1723). [http://books.google.com/books?id=l5OrYBvoME0C ''The Ecclesiastical History of the English Nation'']. John Smith, trans. Printed for T. Batley and T. Meighan.
{{refend}}

== Liammoù diavaez ==
{{refbegin|2}}
* [http://www.channel4.com/history/timeteam/archive/timeteamlive2001/feature_jutes.html The Jutes in Hampshire and the Isle of Wight]
* [http://www.channel4.com/history/timeteam/archive/timeteamlive2001/feature_ethnic.html Were the West Saxons guilty of ethnic cleansing?]
{{refend}}

[[Rummad:Germaned]]
[[Rummad:Istor Bro-Saoz]]