Johanna Maria van der Gheynst

Karl V hag e verc'hig vastard Marc'harid, gant Théodore-Joseph Canneel (1817 - 1892) ; Gent .

Johanna Maria van der Gheynsta oa merc'h da Gilles Johan van der Gheynst, kouer pe mab kouerien, ha d'e bried Johanna van der Caye van Cocambi, a oa matezh.

Matezh e oa e ti gouarnour Oudenaarde, Charles de Lalaing (†1525). Un deiz e tegouezhas an impalaer Karl V en ti. Evezh a daolas ouzh ar vatezh. Louzoù da gousket a voe roet dezhi. Dougerez en em gavas. Kuitaat a reas Johanna ti Lalaing, da vont da di kerent a-berzh he mamm, e-maez kêr Oudenaarde.

En miz Gouhere 1522 e c'hanas ur verc'h hag a voe badezet en iliz Pamele (nl) (bremañ enteuzet e kumun Oudenaarde) hag anvet Margaretha (Marc'harid) evel moereb an impalaer a-berzh e dad, c'hoar da Fulup ar C'haer, ha gouarnerez an Izelvroioù.

Daou vloaz goude e voe dimezet Johanna da Jehan van den Dijcke, aotrou Santvliet. Eizh bugel o doe. He merc'h henañ, merc'h d'an Impalaer, a voe savet e ti André Douvrin, hag anavezet e voe diwezhatoc'h evel Marc'harid Parma.