Jean-Joseph Mounier
miniadurenn gant Jean-François Favre, 1789,
Londrez, Victoria and Albert Museum.
Jean-Joseph Mounier, ganet e Grenoble d'an 12 a viz Du 1758 hag aet da Anaon e Pariz d'ar 27 a viz Genver 1806, a oa un alvokad ha politikour gall.
Gant darn eus an istorourien e vez gwelet evel un den eus an tu dehoù frankizour. Mounier a vefe neuze unan eus krouerien al luskad kreiz, rak klask a rae e 1788 ha 1789 sevel ur c'henemglev etre an ideologiezhoù pennañ. Klask a rae sevel ur program bonreizhel awenet gant istor Bro-Saoz gant ur gwir a veto roueel, hag an emveli vroadel, en ur sevel ur vodadeg lezennel dilennet gant ar bobl met gant dilennadegoù hervez ar sens.