Gwelet an tarzh evit Israel

{| class="infobox" style="font-size:90%;"
|-
{{Infobox/Titl|מדינת ישראל<br>(Medīnat Yisra'el)<br>دولة إسرائيل<br>(Dawlat Isrā'īl)|0035b9|talbenn map|ffd500}}
|-
| colspan="2"|
{| width="100%"
|-
| width="50%" style="padding-top:5px;"| [[Restr:Flag_of_Israel.svg|border|125px|center]]
| width="50%"| [[Restr:Coat_of_arms_of_Israel.svg|80px|center]]
|- align="center"
| width="50%" style="text-align:center;"| [[Banniel]]
| width="50%" style="text-align:center;"| [[Ardamezouriezh|Skoed]]
|}
----
|-
| '''Kan broadel''' || '''הַתִּקְוָה''' (''HaTikvah'' "An Esperañs")
|-
| colspan="2"| [[File:Hatikvah instrumental.ogg|280px|center]]
|-
|'''Gouel Broadel''' || יום העצמאות (''Yom Haʿatzmaout'' "Deiz an Dizalc'hidigezh"), ar 5 a viz [[Deiziadur hebraek|Iyar]] (etre Ebrel ha Mae)
|-
| colspan="2" |
----
|-
| colspan="2"| [[Restr:Israel in its region (pre 1967 territory).svg|280px|center]]
----
|-
| '''Kêr-benn'''<br>ha kêr vrasañ ||'''[[Jeruzalem]]''' (hervez Stad Israel)<br>'''[[Tel Aviv]]''' (hervez [[Aozadur ar Broadoù Unanet|ABU]])
|-
| '''Yezhoù''' ||
* [[Hebraeg]] (ofisiel)
* [[Arabeg]] (anzavet)
|- bgcolor="#0035b9"
! colspan="2" style="text-align:center; color:#fff"| Melestradur
|-
| '''Prezident'''||[[:he:יצחק הרצוג|Isaac Herzog]] (יצחק הרצוג)
|-
| '''Kentañ ministr''' ||[[:he:בנימין נתניהו|Benjamin Netanyahu]] (בִּנְיָמִין נְתַנְיָהוּ)
|-
|'''Parlamant''' ||[[Kneset]] (כנסת)
|-
| colspan="2"|
----
|-
| '''Moneiz''' || Shekel (₪)
|- bgcolor="#0035b9"
! colspan="2" style="text-align:center; color:#fff"| Douaroniezh
|-
| '''Gorread''' || 20 991 km²<br>2% dour
|-
| '''Poblañs''' || 9 043 387 (2023)
|-
| '''Stankter''' || 331 ann./km²
|- bgcolor="#0035b9"
! colspan="2" style="text-align:center; color:#fff"| Titouroù all
|-
|'''Kod-marilh''' || IL
|-
| '''Pellgomz''' || +972
|-
| '''[[Internet|<abbr title="country code Top-Level Domain">ccTLD</abbr>]]''' || .il, ישראל.
|}
'''Israel''', '''Stad Israel''' en un doare ofisiel, ([[hebraeg]] : מְדִינַת יִשְׂרָאֵל‎, ''Medīnat Yisrā'el'', {{LFE|[me̞diˈnät jisʁäˈʔe̞l]}} ; [[arabeg]] : دَوْلَة إِسْرَائِيل‎, ''Dawlat Isrāʼīl'', {{LFE|[dawlat ʔisraːˈʔiːl]}}) zo ur [[Stad]] er [[Reter-Nesañ]] bevennet gant ar [[Mor Kreizdouar]]. En em ginnig a ra evel Stad ar bobl [[Yuzevien|yuzev]], anezhi hêrez an “[[Rouantelezh Israel|Israel]]” [[Bibl|viblek]]. Ar Stad nemeti eo gant ar muianiver a boblañs yuzev. An hebraeg eo he yezh (an arabeg zo yezh ofisiel ivez). Un [[demokratelezh kannadel]] eo.
 
Goude bezañ disklêriet un disentez gant [[Aozadur ar Broadoù Unanet|ABU]] e [[1947]] diwar-benn [[Palestina fiziadour|Palestina fiziadour]] ez eo bet disklêriet e [[1948]] bezañs "ur Stad yuzev war Eretz Israel" gant [[David Ben Gourion]], penn an Aozadur Sionad ar Bed ha gant Ajañs Yuzev evit Palestina. En deiz war-lec'h e voe arsailhet Israel gant broioù arabek tro-dro, evit sikour [[Arabed]] ar Balestina. Meur a vrezel zo bet kenetrezo abaoe ar pezh a gas Israel da ac'hubiñ Sisjordania, Ledenez [[Sinai]] etre 1967 ha 1982, [[Bandenn Gaza]] hag [[Uhelgompezenn ar Golan]].

== Orin an anv ==
Pa oa bet disklêriet dizalc'hiezh Israel e 1948 e oa bet anvet ''Medinat Yisrael'' ("Stad Israel") en un doare ofisiel, goude bezañ nac'het meur a ginnig a orin istorel pe relijiel evel ''[[Eretz Israel]]'' ("Douar Israel"), ''Zion'', ''Judea''. Goude un nebeud sizhunvezhioù goude an dizalc'hiezh e oa bet kinniget gant Ministr an Aferioù Estren [[Moshe Sharett]] an anv "Israelian" (''ישראלי'' en hebraeg, ''Israeli'' e [[saozneg]]).

En istor ez eo bet implijet an anv Israel, war dachenn ar relijion pe war dachennoù boutin, evit [[Rouantelezh Israel]] pe ar Yuzevien penn-da-benn. Hervez ar Bibl hebraek ez eo bet roet an anv-se d'ar patriark Jakob (hebraeg : Yisraʾel, Isrāʾīl ; [[gresianeg]] ar Septant : Ἰσραήλ Israēl; "stourm gant Doue") goude bezañ trec'het gantañ ur stourm ouzh ael Doue. E zaouzek vab a zo neuze "gourdadoù Israeliz", "Daouzek Meuriad Israel", "Daouzek Bugel Israel", a veve e [[Kenaan]] betek rankout mont da [[Egipt]]. Aze int bet lakaet e [[sklaverezh]] betek buhez [[Moizez]] a zifenne anezho, o kas anezho da Genaan adarre. [[Maen-koun Merneptah]], war-dro an XIII{{vet}} kantved kent J.-K., eo an arouez istorel kentañ a veneg an anv Israel.

An dachenn zo anavezet ivez evel an "Douar Santel", dre vezañ santelaet gant holl relijionoù [[Abraham]] (ar [[yuzevegezh]], ar [[Kristeniezh|gristeniezh]], an [[islam]] hag ar gredenn [[bahá'í]]). A-raok disklêriadenn dizalc'hiezh Israel e veze anavezet an dachenn-se evel [[Siria kreisteiz|Siria ar Su]], [[Siria Palestina]], [[Rouantelezh Jeruzalem]], [[Proviñs Iudaea]], [[Coele-Syria]], [[Retjenu]], Kanaan ha dreist-holl Palestina.

== Istor ==
War-dro 1200 kent J.-K. e voe skrivet an anv Israel war maen-koun Merenptah evit ar wech kentañ.

Abaoe m’eo bet savet [[steuñv rannañ Palestina]] e 1947 gant ABU ez eus bet meur a vrezel etre Israeliz hag an Arabed ha meur a feur-emglev zo bet sinet ganto. Rak-se ezeo bet cheñchet harzoù ar vro meur a wech.

Pouezus-kenañ eo bet lod eus an disentezioù e zo bet kemeret gant evit Israel, en o mesk an [[Disentez 242 (1967)]] ma voe kinniget d’an [[22 Kerzu|22 a viz Kerzu]] [[1967]] hag an [[Disentez 338 (1973)]] a voe kinniget d’an [[22 Here|22 a viz Here]] [[1973]] gant ar [[Kuzul Surentez ar Broadoù Unanet|C'huzul surentez]] evit lakaat ehan d’ar brezelioù a oa savet etre Israeliz hag an Arabed.

A-douez ar broioù arab ez eo anavezet Stad Israel gant Egipt, Jordania, [[Maouritania]] hag [[Aotrouniezh Vroadel Palestina]] hogen n’eo ket anavezet gant ar broioù arab all. Anavezet eo evel ur vro [[sionouriezh|sionour]] gant Siria hag [[Iran]]. An darn vuiañ eus ar broioù [[islam|muzulman]], a-hend-all, o devez darempredoù diplomatek gant Israel ; en o zouez [[Albania]], [[Turkia]], [[Azerbaidjan]], broioù en [[Azia ar C'hreiz|Azia]] a oa bet gwechall en [[Unaniezh Soviedel]])<ref>{{en}} [[:en:Foreign_relations_of_Israel|''Foreign relations of Israel'']].</ref>.

== Politikerezh ==
Ur reizhiad [[parlamant]]el zo da Israel, a ya en-dro en ur [[Republik]] [[Demokratelezh|demokratel]] gant ar vot hollek. Ur c'hannad heuliet gant ar muiañ niver eus ar Gannaded a zeu da vezañ Kentañ Ministr ; alies e vez an den-se e penn ar strollad pouezusañ. Ar C'hentañ Ministr zo penn ar [[gouarnamant]]. Renet e vez Israel gant 120 den a ra en em vor er gambr anvet [[Knesset]], a zo diazezet war dilennadegoù war-ventez a ziskouez pep strollad politikel dre e bouez politikel, ar pezh a roe gouarnamantoù kengevredad.

Aozet e vez dilennadegoù pep 4 bloaz, met kengevredadoù distabil pe votadegoù a-enep ar gouarnamant a c'hall distruj ur gouarnamant en a-raok. Mont a ra en-dro [[Lezennoù Diazez Israel]] evel ur [[Bonreizh|Vonreizh]] nann ofisiel. Adalek 2003 e krog ar Knesset da labourat war ur Vonreizh ofisiel diazezet war al lezennoù-se. Penn ar Stad eo Prezidant Israel, met n'en deus nemet gwirioù harzet ha dleadoù lid.

== Rannoù melestradurel ==
{{Pennad pennañ|Distrigoù Israel}}
[[Restr:Disdrigoù Israel.png|upright|thumb|[[Distrigoù Israel]] : [[Distrig an Norzh (Israel)|Hini an Norzh]], [[Distrig Haifa|Haifa]], [[Distrig Kreiz (Israel)|Kreiz]], [[Distrig Tel Aviv|Tel Aviv]], [[Distrig Jeruzalem|Jeruzalem]], [[Distrig ar Su (Israel)|Hini ar Su]].]]
Rannet eo bet Stad Israel e c'hwec'h distrig melestradurel pennañ, anvet ''mehozot'' (מחוזות; unander : ''mahoz'') – [[Distrig kreiz (Israel)|Kreiz]], [[Distrig Haifa|Haifa]], [[Distrig Jeruzalem|Jeruzalem]], [[Distrig an Norzh (Israel)|Norzh]], [[Distrig ar Su (Israel)|Su]], ha [[Distrig Tel Aviv|Tel Aviv]], hag ivez [[Tiriad Judea ha Samaria]] e [[Sisjordania]]. Rannet e vez an distrigoù pemzek isdistrig anvet ''nafot'' (נפות; unander : ''nafa''), a zo isrannet c'hoazh e hanter-kant rannvro naturel.

{| class="wikitable sortable" style="text-align: center"
|-
! Distrig
! Kêr bennañ
! Isdistrig
! Annezad
|-
| '''[[Distrig an Norzh (Israel)|Norzh]]'''
| [[Nazareth]]
| [[Yam Kinneret|Kinneret]], [[Safed]], [[Akko]], [[Uhelderioù Golan|Golan]], [[Traoñienn Jezreel]]
| 1,242,100
|-
| '''[[Distrig Haifa|Haifa]]'''
| [[Haifa]]
| [[Haifa]], [[Hadera]]
| 880,000
|-
| '''[[Distrig Kreiz (Israel)|Kreiz]]'''
| [[Ramla]]
| [[Rishon Lezion]], [[Plaen Sharon|Sharon]] ([[Netanya]]), [[Petah Tikva]], [[Ramla]], [[Rehovot]]
| 1,770,200
|-
| '''[[Distrig Tel Aviv|Tel Aviv]]'''
| [[Tel Aviv]]
| [[Bat Yam]], [[Bnei Brak]], [[Giv'atayim]], [[Holon]], [[Ramat Gan]], [[Tel Aviv]]
| 1,227,000
|-
| '''[[Distrig Jeruzalem|Jeruzalem]]'''
| [[Jeruzalem]]
| [[Jeruzalem]]
| 910,300
|-
| '''[[Distrig ar Su (Israel)|Su]]'''
| [[Beersheba]]
| [[Ashkelon]], [[Beersheba]]
| 1,053,600
|-
| '''[[Tiriad Judea ha Samaria|Judea ha Samaria]]'''
| [[Modi'in Illit]]
| [[Sisjordania]]
| 2,592,555<ref>[https://web.archive.org/web/20140506164505/https://www.cia.gov/library/publications/the-world-factbook/geos/we.html CIA world factbook]</ref><br />(350,143 zrevidig yuzev)‏‏<ref>[url=http://www.israelhayom.co.il/site/newsletter_article.php?id=19600&newsletter=26.07.2012 יותר מ־350 אלף מתנחלים ביו"ש ]</ref>
|}

== Douaroniezh ==
[[Restr:Dover tverya17.jpg|thumb|[[Mor Galile]]]]
[[Restr:Satellite image of Israel in January 2003.jpg|thumb|left|Israel hag an Tiriadoù palestinian e miz Genver 2003 luc’hskeudennet dre loarell]]
Israel zo stok-ha-stok ouzh [[Liban]] en norzh, ouzh [[Siria]] er biz, ouzh [[Sisjordania]] ha [[Jordania]] er reter, ouzh [[Egipt]] ha Bandenn Gaza er mervent. A-hend-all ez eo lec’hiet ar vro e-kichenik ar [[Mor Kreizdouar]] er c'hornôg hag e-kichenik [[pleg-mor Aqaba]] er su.

War-dro 20 770 km² eo gorread tachennad Israel hep an tiriadoù aloubet e 1967, gant 2% a zour. Koulskoude eo ken strizh douaroù ar vro a zo e dakad armerzhel miret div wezh tiriad Israel. Mar kemerer an holl zouaroù dindan lezenn Israel (gant an tiriadoù tabutet evel [[Uhelderioù Golan]]) ez eo 22 072 km² ledan ar vro, ha mard ouzhpenner an tiriadoù renet gant Israel e [[Sisjordania]] (a zo strewet etre lezenn Israel ha lezenn [[Aotrouniezh Vroadel Palestina]]) e kaver 27 799 km²<ref>27 208 km² eo gorread [[Breizh]] velestradurel.</ref> — ur c'hresk a 33,84%.

Daoust ma 'z eo bihan a-walc'h ar vro e kaver meur a ziforc'h en he douaroniezh. Kostez an aod e vev 70% eus ar boblañs. E reter ar menezioù kreiz emañ an draoñienn Rift Jordan, a zo un darn eus [[Traoñienn Rift Meur]] en em led eus Liban da [[Mozambik|Vozambik]].

Redek ar ra [[Jordan (stêr)|Stêr Jordan]] a-hed rift Jordan eus [[Menez Hermon]] betek ar [[Mor Marv]] (al lec'h izelañ er bed) o tremen dre draoñienn Hullah ha [[Mor Galile]]. Er c'hreisteiz ez eo ar stêr [[Arabah]] a red betek ar [[Mor Ruz]]. Ne gavetr ''makhteshim'' (kelc'hioù rimiat) nemet en Israel hag e Ledenez Sinai. An hini brasañ zo e [[Negev]]. Disklêriet ez eus bet gant un dezrevell diwar an endro ez eus en Israel ar muiañ niver a [[spesad]]où [[plant]] dre metrad-skouer eus pep korn ar Reter-Nesañ. 

Kemmus-tre eo ar gwrezioù en Israel, dreist-holl e-pad ar goañv. Ar rannvroioù menezek a c'hall bezañ avelek, yen hag a-wezhioù erc'hus : bep bloaz e ra erc'h e [[Jeruzalem]]. Kêrioù war an aod evel [[Tel Aviv]] hag [[Haifa]] o deus un [[hin]] kreizdouarel gant goañvoù fresk ha glavus ha hañvoù hir ha tomm. [[Beersheba]] ha Negev an hanternoz o deus un hin hanter-sec'h gant hañvoù tomm ha goañvoù fresk gant nebeutoc'h a c'hlav eget hin Mor Kreizdouar. Negev ar c'hreisteiz hag an [[Arava]] o deus un hin sec'h gant hañvoù tomm-tre ha sec'h-tre ha goañvoù dous gant nebeut-tre a c'hlav. Rekord ar wrez dommañ en [[Azia]] (53,7°C) zo bet muzuliet e 1942 e ''[[kibboutz]]'' Tirat Zvi war Jordan an hanternoz.

=== Douaroniezh politikel ===
Luziet-kenañ e teu an traoù da vezañ pa vez graet anv eus harzoù Israel. Meur a wech ez eo bet kemmet an harzoù abaoe m’eo bet krouet ar vro-se. Gant-se e kav lod broioù abeg en harzoù Israel. Ouzhpenn-se ez eus bet aloubet meur a diriad gant Israel, ha tiriadoù all zo stag outi da vat.

D’ar [[15 Mae|15 a viz Mae]] 1948 ez eo bet degemeret Israel gant meur a Stad er bed a-bezh, en o zouez ar [[Stadoù-Unanet]] hag [[URSS]] hervez [[Steuñv rannañ Palestina|Steuñv rannañ ABU]]. Goude ar [[brezel israelat-arab]] er bloaz 1948 ez eo bet kemmet an harzoù ha dre-se ez eo bet degemeret Israel gant ABU hag an darn vrasañ eus broioù ar c'hornôg en tiriadoù zo bet divizet an harzoù anezho hervez [[emglevioù arsav-brezel israelat-arab 1949|linennoù arsav-brezel 1949]]. N'eo ket bet degemeret an harzoù-se gant an holl vroioù arab ha muzulman. Digemm eo chomet an traoù abaoe 1949.

Meur a diriad zo bet aloubet gant Israel, koulskoude, goude ar [[brezel israelat-arab|brezelioù israelat-hag-arab]]. Tiriadoù zo aloubet c’hoazh gant Israel, tiriadoù all zo stag outi da vat. Gant [[Emglevioù Kamp David|Emglevioù a beoc’h]] he deus Israel adroet tiriadoù zo pe ne vez ket aloubet tiriadoù zo ken.

E miz Mezheven 1967 eo bet aloubet Sinai, Gaza, Sisjordania], reter Jeruzalem ha Golan gant Israel.
* Aet eo Israel kuit eus Sinai e [[1982]] da-heul an [[Emglev|Emglevioù Kamp David]] bet sinet gant Egipt.
* Aet eo Israel kuit eus Gaza e-kerzh an hañv [[2005]], ar pezh n'eo ket degemeret gant ABU dre ma vez kontrollet an oabl, ar mor hag an harzoù gant Israel c'hoazh. Mat eo gouzout n’he deus an tiriad-se statud etrebroadel ebet hiziv an deiz.
* Aloubet eo Sisjordania a-bezh, war-bouez an takadoù emren palestinian hag an tiriadoù bet kuitaet gant Israel e 2005.
* Golan kerkoulz hag [[atantoù Chebaa]] zo bet staget ouzh Israel e [[1981]]. Rendael zo etre lod tud a-zivout an atantoù-se. Evit gwir, lod eus an dud a soñj dezho emañ Siria perc’hennez warno, lod all a soñj dezho emañ Liban perc’hennez warno.

Liban zo bet aloubet gant Israel etre 1982 ha 2000, da heul an [[Oberiadenn Peoc’h e Galilea]]. Evit an dud a soñj dezho ez eo  Liban perc’hennez war atantoù Cheeba ez eo aloubet tiriadoù Liban gant Israel c’hoazh.

== Poblañs ==
Da 9&nbsp;043&nbsp;387 a dud e save poblañs Israel e 2023 (en ur gontañ Golan ha reter Jeruzalem), en o zouez 75% a Yuzevien, 21,1% ag Arabed (muzulmaned an darn vrasañ anezho dreist-holl, met un niver bihan a [[Kristeniezh|gristenien]] zo ivez) ha 5,5% a dud all<ref name="CIA">{{en}} {{cite web|url=https://www.cia.gov/the-world-factbook/countries/israel/#people-and-society|title=''The World Factbook''|accessdate=13/01/2024}}</ref>.

Israel eo ar vro nemeti ma'z eo Yuzevien an darn vrasañ eus an dud a zo o chom enni. A orin eus pevar c’horn ar bed eo Yuzevien Israel : diforc’hiñ a reer ar « [[Sabra (Israel)|sabraed]] » (tud bet ganet en Israel, a zo deuet o zud da chom da Israel nevez zo pe tud a zo o familh o chom e Palestina abaoe meur a gantved) diouzh an dud enbroet nevez zo hag o deus graet o « [[aliyah]] », da lavaret eo tud war an distro : an darn vrasañ anezho a zeu eus URSS kozh koulz hag eus [[Frañs]], ar [[Stadoù-Unanet Amerika|Stadoù-Unanet]], [[Arc’hantina]], hag all. 

[[Druzed]] ha [[Sirkasinaed]] zo o chom en Israel ivez. Rankout a reont ober o c’hoñje. Er c’hontrol, ne rank ket an [[Arabed israeliz]] en ober met niverus eo ar [[Bedouin|Vedouined]] a ra o servij soudard a-fetepañs en [[Nerzhioù Difenn Israel|arme Israel]]. Arabed israeliz ha muzulmiz zo izili eus an arme-se.

Dasparzh poblañs Israel : 92,9 % eus tud Israel zo o chom er c’hêrioù, kostez Tel Aviv ha Mor Galilea dreist-holl ; nebeut a dud zo o chomer Su, war-bouez kostez [[PLeg-mor Aqaba]]<ref name="CIA" />.

=== Ar c'hêrioù ===
Pemp kêr en tu-hont da 200&nbsp;000 a annezidi zo en Israel : [[Jeruzalem]], [[Tel Aviv]], [[Haifa]], [[Rishon LeZion]] ha [[Ashdod]]. An darn vuiañ eus tud ar vro zo o chom er c'hêrioù-se.

Jeruzalem eo ar gêr bennañ en Israel : 	971&nbsp;800 a dud a oa o chom enni e 2022. E 1948 ne oa nemet 84&nbsp;000 a dud.

Pa embannas [[David Ben Gourion]] dizalc'hiezh Israel e oa 248&nbsp;500 a dud o chom e Tel Aviv (30 % eus ar boblañs). Brasañ kêr Israel e oa ; 	4&nbsp;156&nbsp;900 a dud a oa er veurgêr e 2021, eleze 45% eus poblañs ar Stad.

[[Haifa]] eo an trede kêr er vro : 1&nbsp;050&nbsp;000 a dud a oa enni e 2021, e-skoaz 98&nbsp;600 e 1948.

Pevarzek kêr en Israel ez eus en tu-hont da 100&nbsp;000 den enno.

[[Richon LeZion]] eo ar pevare kêr er vro, 257&nbsp;128 a dud enni e 2022 ; 11&nbsp;000 den hepken a oa chom enni pa oa bet krouet Stad Israel.

War ar maez e chom 7,1% eus poblañs ar Stad, eleze war-dro 642&nbsp;000 a dud ; 6 % eus Israeliz a oa o chom war ar maez e 1948.

== Sevenadur ==
{| class="wikitable"
|+ '''Gouelioù broadel'''
! Deiziadoù !! Anv brezhonek !! Anv hebraek!! Deizioù gouel hervez an deiziadur gregorian
|-
| 1 Tishri || Bloaz Nevez || [[Rosh Hashana]]
| etre ar [[6 Gwengolo|6 a viz Gwengolo]] hag ar [[5 Here|5 a viz Here]]
|- {{ligne grise}}
| 10 Tishri || Devezh ar Pardon Bras || [[Yom Kippour]]
| etre ar [[15 Gwengolo|15 a viz Gwengolo]] hag ar [[14 Here|14 a viz Here]]
|-----

| 15 Tishri || Gouel al Lochoù || [[Soukkot]]
| etre an [[20 Gwengolo|20 a viz Gwengolo]] hag an [[19 Here|19 a viz Here]]
|- {{ligne grise}}
| 22 Tishri || Bodadeg an eizhvet devezh
| [[Chemini Atseret]]
Etre ar [[27 Gwengolo|27 a viz Gwengolo]] hag ar [[26 Here|26 a viz Here]]
|-----

| 15 Nissan || Ar Pask || [[Pesac'h]]
| etre ar [[27 Meurzh|27 a viz Meurzh]] hag ar [[25 Ebrel|25 a viz Ebrel]]
|- {{ligne grise}}
| 21 Nissan || Ar Pask || [[Pesac'h]]
| etre an [[2 Ebrel|2 a viz Ebrel]] hag ar [[1añ Mae|1añ a viz Mae]]
|-----
| 5 Iyar || Devezh an Dizalc’hiezh || [[Yom Ha'atzmaout]]
| Etre ar [[16 Ebrel|16 a viz Ebrel]] hag ar [[15 Mae|15 a viz Mae]]
|- {{ligne grise}}
| 6 Sivan || Gouel ar sizhunioù || [[Chavouot]]
| etre ar [[16 Mae|16 a viz Mae]] hag ar [[14 Mezheven|14 a viz Mezheven]]
|-
| 25 Kislev || Gouel ar gouleier  || [[Hanoukka]]
| etre ar [[27 Du|27 a viz Du]] hag ar [[27 Kerzu|27 a viz Kerzu]]
|}

=== Kazetennoù ===
* ''[[Haaretz]]'', pemdezieg eus an tu kleiz
* ''[[Maariv]]'', pemdezieg poblek
* ''[[Yedioth Ahronoth]]'', pemdezieg poblek tennet a-vras
* ''[[Israeli (quotidien)|Israeli]]'', pemdezieg kentañ digoust
* ''[[The Jerusalem Post]]'', pemdezieg saoznek eus an tu dehou
* ''[[Hazofe]]'', pemzedieg relijiel sionist
* ''[[Globes]]'', pemdezieg a denn d’an armerzh

== Tud brudet ==
===Skrivagnerien===
*[[Benny Barbash]]
*[[Yehoshua Kenaz]]
*[[Etgar Keret]]
*[[Alona Kimhi]]
*[[Amos Oz]]
*[[Ron Leshem]]
*[[Avraham B. Yehoshua]]

== Notennoù ha daveennoù ==
{{daveoù}}

== Levrlennadur ==
* [[Al Liamm]] niv. 44, niverenn gouestlet da Israel, Mae-Mezheven 1954.
* {{fr}} Sand, Shlomo. ''Deux peuples pour un État ? – Relire l'histoire du sionisme'',. Paris : Seuil, 2024 {{ISBN|978-2-02-154166-3}}

== Liammoù diavaez ==
* [http://www.gov.il/ Lec’hienn web ofisiel Gouarnamant Israel]
* {{fr}} [https://web.archive.org/web/20070205080146/http://www.histoiredesjuifs.com/categories.asp?category=574 Un istor tematek ha kronologel eus Stad Israel war Histoire des Juifs.com]
* {{fr}} [https://web.archive.org/web/20080422044818/http://www.guysen.com/ Ajañs-kelaouiñ gallek en Israel]
* {{en}} [http://www.haaretz.com/ Haaretz, pemdeziek eus an tu kleiz frankizour, a vez keñveriet alies gant ar gazetenn Le Monde]
* {{en}} [https://web.archive.org/web/20061114220336/http://www.hightech-mag.com// Israel HighTech-MAG: daily technology news about Israel]
* {{en}} [http://www.ynetnews.com/ ynet news, ar gazetenn vrasañ enlinenn eus Israel (e saozneg)]
* {{fr}} [http://www.israelvalley.com/ Israel Valley, Lec’hienn diwar-benn armerzh Israel (e galleg)]

{{Yuzevegezh}}
{{azia}}
[[Rummad:Stadoù ar Bed]]
[[Rummad:Israel]]