Gwelet an tarzh evit Historia Regum Britanniae

{{databox}}
{{Stumm an titl|''Historia Regum Britanniae''}}
'''''Historia Regum Britanniae''''' ("Istor Rouaned Breizh") eo al levr brudetañ skrivet e [[latin]] gant [[Jafrez Menoe]] (~[[1095]] – ~[[1155]], ur [[manac'h]] eus kêr [[Menoe]] e [[Kembre]], en {{XIIvet kantved}}.

Gant al levr-se eo bet brudet dre [[Europa]] mojennoù [[ar roue Arzhur]] ha marc'hegerion [[an Daol Grenn]].

Kontañ a ra istor mojennel [[Enez Vreizh]], abaoe donedigezh [[Brutus]] a [[Troja|Droja]], mab da [[Eneas]], betek marv [[Cadwaladr Fendigaid|Cadwallader]] er {{VIIvet kantved}}, war-lerc'h ober anv eus [[Caius Julius Caesar]], hag eus [[ar roue Arzhur]]. 

Hervez ar skrivagner eo diazezet e oberenn war ul levr kozh e brezhoneg (''Britannici sermonis liber vetustissimus'', al levr koshañ er prezeg brezhonek). E-pad pell n'eus ket bet lakaet kalz a gred en dra-se, met istorourien 'zo, evel [[Léon Fleuriot]]<ref>''[[Histoire littéraire et culturelle de la Bretagne]]'', levrenn I/13</ref> ha muioc'h c'hoazh [[Gwenael an Dug]] ha [[Claude Sterckx]], a ziskouez ez eus bet danvez "ragarzhuriek" a-raok Jafrez Menoe ha kavet meneg eus al "levr kozh-kozh"-se<ref>''Annales de Bretagne'' niv. 79, 1972; gwelet ivez [[Kronik Sant-Brieg]], ''[[Histoire littéraire et culturelle de la Bretagne]]'' p. 25 & allii, ''Études celtiques'' t. 18, etc.</ref>. Hervez ar re a lavar eo deuet ar skrid diwar ijin Jafrez Menoe dreist-holl, e vije bet awenet da gentañ gant ul levr eus [[Nennius]], eus an {{IXvet kantved}}, ''[[Historia Britonum]]'', war ul levr all anvet ''Historia ecclesiastica gentis Anglorum'', ha war levr [[Gweltaz]] ''[[De Excidio Britanniæ]]'', gant un toullad mojennoù kembreat ha roman ouzhpenn<ref>Thorpe, ''Kings of Britain'' pp. 14-19.</ref>. Evit ar re all, evel Léon Fleuriot, n'en dije ijinet Jafrez nemet nebeut a draoù, ha diazezet en dije bet e skrid, evit un darn da vihanañ, war danvez eus [[Breizh]], ha ne vije ket bet "ken kozh-se" al ''«liber vetustissimus»''<ref>''Hist. Litt. et Cult. de la Bretagne'' p. 117-118.</ref>.

{{Wikimammenn|la:Historia Regum Britanniae|Historia Regum Britanniae}}

==Liamm diavaez==
*Troidigezh ar skrid e saozneg: http://www.yorku.ca/inpar/geoffrey_thompson.pdf.

== Notennoù ==
{{Daveoù}}

[[Rummad:Levrioù latin]]
[[Rummad:Levrioù istor Breizh]]
[[Rummad:Istor Breizh]]
[[Rummad:Mojenn Arzhur]]