Skouergorneg

Un hirgarrezenn 5 war 4

E mentoniezh, ur skouergorneg (pe hirgarrezenn) zo termenet evel ul lun pevarzuek, dezhañ pevar c'hogn zo holl skouer.

Perzhioù eeun

Kement pevarc'hostezeg a zo ur skouergorneg m'en deus ar perzhioù-mañ :

• pevar c'horn skouer,
• dreuzvegelloù keit,
• dreuzvegelloù a groaz er c'hreiz rik,
• kostezioù enep a zo keit daou-ha-daou,
• kenstur eo e gostezioù enep, daou-ha-daou.

Perzhioù keveskemm

Kement kensturieg zo ur skouerskorneg m'en deus ar perzhioù-mañ :

• pevar c'horn skouer,
• tri c'horn skouer,
• treuzvegelloù keit a groaz er c'hreiz,
• ur c'horn skouer,
• treuzvegelloù keit.

Perzhioù all

• Daou ahel kemparzh, e greiztuennoù,
• Ur c'hreiz kemparzh, a zo kreiz kenskej e veskellennoù.

Ur c'harrez zo ur skouergorneg dibar, dezhañ pevar c'hostez keit : ur skouergorneg hag ul lankell war un dro eo eta.
Gorread un hirgarezenn a vez jedet dre lieskementiñ e hirder $(h)$ hag e lec'hed $(l)$ ; gant arouezioù : $A=hl$. Da skouer, gorread un hirgarrezenn dezhi 5 hirder ha 4 lec'hed a zo 20, rak $5\times 4=20$.