Blues Explosion

The Blues Explosion ("John Spencer Blues Explosion" berraet JSBX a-wezhioù, daet da vout "Blues Explosion") a zo ur strollad rock-blues a New York. Jon Spencer (kan, gitar), Judah Bauer (gitar) ha Russell Simins (taboulinoù) eo izili ar strollad-mañ.

Garv ha trouzus o sonerezh, un darzhadenn èl meneget e-barzh añv ar strollad, ur meskaj rock-noisy, rock'n roll, blues, soul, hip hop, get ur solo theremin (ur benveg get delezioù hag un tredanvaez a vez kemmet àr-bouez an daouarn é fichal e-tal dezhe, peadra da vouetaat un osilerez (neuennerez) a ra hag a gemm an notennoù sonerezh) ennañ ur wezh an amzer.

E-raok seniñ e-barzh The Jon Spencer Blues Explosion e oa bet Spencer e Pussy Galore ha Boss Hog. Nevez zo eo bet kemmet añv ar strollad da vBlues Explosion nemetken. Drevezañ Elvis a ra Spencer àr ar leurenn : setu soñj tud zo.

Eilet eo bet R.L. Burnside get Jon Spencer Blues Explosion en album "A Ass Pocket of Whisky".

Kenlabouret o deus ivez get Andre Williams (en doa kempennet "Acme").

Pladennoù :

• Jon Spencer Blues Explosion (1992)
• Crypt Style (1992)
• Mo' Width [Australia only EP] (199?)
• Extra Width (1993)
• Orange (1994)
• Experimental Remixes (EP) (1995) [get UNKLE, Moby, Mike D ha Beck, GZA, Dub Narcotic...]
• Now I Got Worry (1996)
• Controversial Negro: Live in Tucson (1997)
• Acme (1998)
• Acme Plus (UK) (1999)
• Xtra Acme USA (1999)
• Sideways Soul: Dub Narcotic Sound System Meets the Jon Spencer Blues Explosion in a Dancehall Style (1999) [get Dub Narcotic Sound System]
• Plastic Fang (2002)
• Damage (2004) [Blues Explosion; get mouezh Martina Topley-Bird ha kempennet get Steve Jordan, Dan the Automator, David Holmes & DJ Shadow]