Korrblanedenn

Ar planedennoù-korr a zo ur rummad korfoù-oabl hag a gelc'htro en-dro d'an Heol. Diazezet eo bet ar rummad-se e-kerzh emvod meur an Unvaniezh Astronomel Etrebroadel e Praha d'ar 24 a viz Eost 2006.

Ur blanedenn-gorr n'eo ket ur blanedenn.

An hini vrasañ eus ar planedennoù-korr-se eo Eris. Ploudon a zo ur blanedenn-gorr ivez, hag a zo e gwirionez un divblanedenn-gorr gant Charon.

Termenadur

Hervez an termenadur bet degemeret d'ar 24 a viz Eost 2006 :

Ur blanedenn-gorr a zo ur c’horf-oabl (a) hag a gelc’htro en-dro d’an Heol, (b) hag en deus a-walc’h a vas evit ma c’hallfe e emc’hraviterezh trec’hiñ war nerzhioù reuted ar c’horfoù hag e virout gant ur c'hempouez hidrostatek en ur furm sferek (peuzront), (c) ha n’en deus ket distrobet trowardroioù e gelc’htro, (d) ha n’eo ket ur satellit.

Menegiñ a ra an destenn ouzhpenn : UAE a lakaio war-sav un argerzh evit merkañ e-barzh peseurt rummad lakaat an traezoù a zo war vevenn, pe blanedenn-gorr pe unan eus ar rummadoù all.

Roll ar planedennoù-korr

N'eo ket diarvar c'hoazh roll ar planedennoù-korr :

E-barzh Gouriziad an asteroidiennoù

• Ceres

En tu-hont da Neizhan

• Ploudon (un divblanedenn-gorr gant Charon)
• Eris

War ar renk ivez E-barzh Gouriziad an asteroidennoù

• Vesta
• Pallas
• Hygiea

En tu-hont da Neizhan

• Sedna
• Makemake
• Orcus
• 2003 EL61 (moranvet "Santa")
• Quaoar
• 2002 TC302
• Varuna
• 2002 UX25
• 1996 TO66
• 2002 AW197
• Ixion
• Chaos