Daniel Doujet
(Adkaset eus Daniel an Doujet)
Daniel Doujet, Daniel Le Doujet e marilh an ti-kêr (Lannarstêr, 1956), zo ur skrivagner breizhat.
Kelenner war ar brezhoneg e Skol-Veur Roazhon 2 eo bet betek mont war e leve.
Priz Langleiz a voe deroet dezhañ e 2001 evit e zastumad danevelloù Ur c'hi maget mat ha danevelloù all.
Er c'helaouennoù Al Liamm, Al Lanv, Bremañ hag Hor Yezh e kemer perzh ingal.
Dalc'het en doa ivez e-pad pell ar pennad sizhuniek brezhonek e La Liberté du Morbihan dindan an anv-pluenn "Tadevab" goude e vignon Job Jaffre ("Mabedad"), aozer Etrezomp e brezhoneg, hag a-raok ma 'z afe ar gelaouenn-se da get.
Oberenn
[kemmañ | kemmañ ar vammenn]- Ur c'hi maget mat ha danevelloù all, Kemper : Embannadurioù Al Lanv, 2000 (Priz Langleiz) (ISBN 978-2-9511721-3-5)
Troidigezh
[kemmañ | kemmañ ar vammenn]- Fablennoù Jean de la Fontaine , troet e brezhoneg get Yves Louis Marie Combeau ha Daniel Doujet, Embannadurioù Al Lanv, 2005 (ISBN 978-2-9511721-6-6)