Oileán na Cathrach

Oileán na Cathrach^[1] pe Cathair na Naomh^[2] (Caher Island e saozneg) zo un enezenn didud eus Iwerzhon, dirak aod kontelezh Maigh Eo. Emañ etre enez Cliara hag Inis Toirc.

Mard eo didud an enezennig bremañ, n’eo ket bet atav evel-se. Roudoù a gaver en enezenn eus ur manati savet gant menec’h kristen er VI^vet kantved, gant ur chapel (Teampall Phádraig), ur feunteun ha daroù engravet... Kontañ a reer e oa bet sant Padrig o vevañ en enezenn ur pennad, ha gwelet a reer eno c’hoazh ur maen plat anvet "Leaba Phádraig" ("gwele Padrig"). Pirc'hirinded a ya di, ur wech ar bloaz, d’ar 15 a viz Eost, gant ur vag a loc’h eus Inis Toirc. A-hend-all ne vez war an enezenn nemet deñved kaset di da beuriñ eus Inis Toirc.

Notennoù

↑ Logainm, Bunachar Logainmneacha na hÉireann
↑ Cathair Na Mart, The Journal of the Westport Historical Society, Vol. 9. No.1. 1989, pennad Cathair na Naomh and its Cross-slabs, gant Michael Heraty

[1] Logainm, Bunachar Logainmneacha na hÉireann

[2] Cathair Na Mart, The Journal of the Westport Historical Society, Vol. 9. No.1. 1989, pennad Cathair na Naomh and its Cross-slabs, gant Michael Heraty

[1]

[2]