Abati Sant Voris Karnoed

Eus Wikipedia
Sauter à la navigation Sauter à la recherche
Dismantroù an abati : porched an iliz
Sal ar chabistr

Abati Sant Voris Karnoed a oa un abati e koad Sant-Voris e Kloar-Karnoed, nepell diouzh al Laeta. Bremañ ne chom nemet dismantroù anezhañ.

Un abati sistersian e oa, diazezet eno etre 1170 ha 1177. Douaroù a voe roet gant dug Breizh, Konan IV, da venec’h abati Langoned, dezho d’en em staliañ eno.

Moris e oa anv an abad kentañ, ha roet e voe e anv d’an abati war-lerc'h e varv e 1191.

E-pad c’hwec’h kantved e voe menec'h sistersian o lakaat an domani da vevañ. Dilezet e voe an abati a-raok an Dispac'h gall ha diskaret e voe lod eus ar savadurioù da vare ar Spont Bras. Gwerzhet e voent evel mad broadel goude, hag adimplijet e voe ar mein evit savadurioù all dre ar vro. Ul lodenn a voe miret avat hag a zeuas da vezañ un doare kastell evit aotrouien eus ar c’hornad. Damzistrujet e voe gant un tan-gwall e miz Ebrel 1945 ha peurziskaret e voe gant ar perc’henn e 1953, war-bouez sal ar chabistr.

Lakaet e voe an dismantroù war roll Monumantoù istorel Bro-C'hall, da gentañ e 1956 ha da eil e 1995.

E 1991 e voe gwerzhet an dismantroù hag ar c’hoadoù tro-dro dezho da Virva an Arvor.

Gweladenniñ a c’haller an domani bremañ, nemet e-pad ar goañv.

Levrlennadurezh[kemmañ | kemmañ ar vammenn]

  • Henri Guiriec, La Région de l'Ellé - bas et haut Ellé, e ti an aozer, bloaziad ebet, (fr), pajenn 41.

Liammoù diavaez[kemmañ | kemmañ ar vammenn]


Commons
Muioc'h a restroù diwar-benn

a vo kavet e Wikimedia Commons.