Oslo

kêr vras, kêr, kreizenn velestradurel, kêr vrasañ
Deiziad krouiñ	1048
Anv	Oslo
Anv ofisiel	Oslo
Anv er yezh a orin	Oslo
Anv berr	Осло, Кристиания, Христиания, Осло
Kevandir	Europa
Stad	Norvegia
Kêr-benn eus	Norvegia, Akershus, Quisling regime, Oslo, Aker
E tiriad	Oslo
Gwerzhid-eur	UTC+01:00, Central European Time
War ribl	Alnaelva, Oslofjord, Akerselva
Daveennoù douaroniel	59°54′48″N 10°44′20″E
Penn an aotrouniezh	Eirik Lae Solberg
Ezel eus	C40 Cities Climate Leadership Group
Raklec'hiet gant	Christiania
Heuliet gant	Christiania
Darvoud-alc'hwez	C'hoarioù Olimpek goañv 1952
Prizioù resevet	National urban environment award
Present in work	Civilization V
Kod-post	0001–1299
Arload ofisiel	Oslo - Official City App
Lec'hienn ofisiel	https://www.oslo.kommune.no/
Blog ofisiel	https://aktuelt.oslo.kommune.no
Ardamezioù	Coat of arms of Oslo, coat of arms of Oslo
Sant paeron	Hallvard Vebjørnsson
Ekonomiezh an danvez	economy of Oslo
Poblañsouriezh an danvez	demographics of Oslo
Time of earliest written record	1048
Category for the view of the item	Category:Views of Oslo
Rummad evit ar c'hartennoù	Category:Maps of Oslo

Oslo (distaget e norvegeg, hervez ar rannyezh, ['uslu] pe ['uʃlu]) a zo kêr-benn Norvegia. Lec’hiet eo e goueled fjord Oslo. Kêr vrasañ Norvegia eo, gant ouzhpenn 500 000 annezad. Ur gontelezh (fylke) eo ivez, kelc’hiet gant kontelezh Akershus.

En Oslo emañ parlamant Norvegia (Stortinget), palez ar roue, ar ministrerezhioù, Eskemmdi Norvegia, hag all.

Douaroniezh[kemmañ | kemmañ ar vammenn]

Emañ Oslo e goueled ur fjord. A-hend-all eo kelc’hiet kêr gant menezioù. War tiriad ar gumun ez eus 343 a lennoù. Ar menez Kirkeberget (629 m) eo lec’h uhelañ ar gêr.

Oslo gwelet eus Holmenkollen

Istor[kemmañ | kemmañ ar vammenn]

Hervez ar sagaoù skandinavek e vefe bet savet Oslo en-dro d’ar bloavezh 1048 gant ar roue Harald III. Dianav eo orin an anv ‘’Oslo’’.

Dont a reas da vezañ kêr-benn ar vro dindan ren Håkon V (1299-1319) a voe ar roue kentañ oc’h ober e annez eno hag a lakaas sevel kastell Akershus. E 1387 e tremenas rouantelezh Norvegia dindan dalc’h Danmark ha dont a reas Oslo da vezañ ur gêr a eil renk, pa oa ar roue o chom e Kopenhagen. Ne voe digoret ur skol-veur eno, da skouer, nemet e 1811.

Distrujet e voe Oslo gant an tan e 1624 hag adsavet e voe goude, en tu all d’ar fjord, e-kichen kastell Akershus, gant ar roue Christian IV Danmark, a roas e anv d’ar gêr : Christiania pe Kristiania.

Kastell Akershus

E 1814 e voe dizunvanet rouantelezhioù Norvegia ha Danmark, ha dont a reas Kristiania da vezañ ur gwir gêr-benn. Kalon ar c’henwerzh hag ar sevenadur e Norvegia e oa ha meur a savadur bras a voe savet eno e-pad an XIX^vet kantved, evel Palez ar Roue (1848), ar Parlament pe Stortinget (1866), ar skol-veur (1811), ar C’hoariva Broadel…. Dre ar bed a-bezh e oa brudet arzourien Christiania evel Henrik Ibsen, Edvard Munch, Knut Hamsun pe Sigrid Undset (Priz Nobel al lennegezh) : un oadvezh aour e voe ar mare-se evit Christiania war an dachenn sevenadurel.

Adkavout a reas kêr hec’h anv kozh, Oslo, e 1925.

E 1952 e voe aozet ar C’hoarioù olimpek goañv en Oslo, ar pezh a roas brud d’ar gêr. E miz Mae 1995 ez eo eno e voe sinet Emglev Oslo etre Israeliz ha Palestiniz.

Gevellerezh[kemmañ | kemmañ ar vammenn]

Emglevioù kenlabour zo bet sinet gant ar c'hêrioù ha rannvroioù da heul :^[1]

Ur c'hustum kozh gant Oslo zo kas ur wezenn Nedeleg bep bloaz da gêrioù Washington, D.C., Londrez, Rotterdam, Antwerpen ha Reykjavík.^[1]^[2]. Oslo a gas abaoe 1947 da Londrez ur spruñs, 20-25 metr e uhelder, a c'hall bezañ 50 da 100 bloaz. Se da lak war-wel e anavez mat dalc'h war sav Breizh-Veur outañ e-pad an Eil Brezel-bed.