Gwerzhav

Gwerzhav
Ar maerdi.
Anv gallek (ofisiel)	Vertou
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Gwerzhav (pennlec'h)
Kod kumun	44215
Kod post	44120
Maer Amzer gefridi	Rodolphe Amailland 2020-2026
Etrekumuniezh	Naoned Meurgêr
Bro velestradurel	Tolpad-kêrioù Naoned
Lec'hienn web	www.vertou.fr
Poblañsouriezh
Poblañs	25 879 ann. (2020)
Stankter	725 ann./km²
Douaroniezh
Daveennoù lec'hiañ	47° 10′ 08″ Norzh 1° 28′ 11″ Kornôg
Uhelderioù	kreiz-kêr : 28,5 m bihanañ 1 m — brasañ 56 m
Gorread	35,68 km²
Gwerzhav

Gwerzhav a zo ur gumun a Vreizh e Liger-Atlantel, e gevred ar vro.

Douaroniezh

E Gevred Naoned emañ ar gumun, hag e Gwinieg Naoned. Emañ ar c'heiz-kêr e 7 km da hini Naoned.

Ar stêrioù Sevr ha Mewan a gember eno.

Anv

• Erwan Vallerie ː Vertavum, 1199; Vertou, 1287, 1709

Ardamezioù

En argant, e binenn c'heotet, ur flourdilizenn en aour war e c'hef, hebiaet a-zehoù gant ur flourdilizenn en glazur skoret gant ur vrizhenn erminig en sabel, a-gleiz gant ur vrizhenn erminig en sabel skoret gant ur flourdilizenn en glazur

Istor

Dispac'h Gall:
Krouet e voe kumun Gwerzhav e 1790 diwar ar barrez katolik. Lakaet e voe da benn Kanton Gwerzhav hag e Bann Klison. E 1800 e voe lakaet en Arondisamant Naoned.

XIX^vet kantved:
Krouet e voe kumun Kersoren e 1865 diwar lodennoù eus kumunioù Bignon, Pont-Marzhin ha Gwerzhav.

XX^vet kantved:

• Brezel-bed kentañ

Mervel a reas 216 gwaz ag ar gumun abalamour d'ar brezel, da lavaret eo 3,93% eus he foblañs e 1911.

• Eil brezel-bed

D'an 20 a viz Eost 1940 e kouezhas ur c'harr-nij Heinkel 111 eus an aerlu alaman (Luftwaffe) e Gwerzhav; gloazet e voe e voe an daou nijour a oa en e vourzh; d'ar 17 a viz Meurzh 1941 e kouezhas un Heinkel 111 all; mervel a reas pevar nijour.

Monumantoù ha traoù heverk

• 
  Ar c'hastell.
• 
  An iliz katolik.

• Kastell ar Portillon war ribl ar Sevr.
• Iliz katolik Sant Varzhin.
• Monumant ar re varv er vered, luc’hskeudenn. Dioueliet e voe d’an 23 a viz Here 1921.

Emdroadur ar boblañs abaoe 1962

Niver a annezidi

Melestradurezh

Emañ Gwerzhav e-barzh Naoned Meurgêr, ha Bro Gwinieg Naoned evit ar pezh a sell ouzh ar sevenadur hag ar glad.

Armerzh

Abred eo bet oberiant ar gumun war an dachenn industriel. Un unvez treuzfurmiñ zo eus an embregerezh naonedat hollvrudet Biscuiterie nantaise.

Brezhoneg

Ur gevredigezh da gas kentelioù d'an dud deuet ez eus bet e Gwerzhav, Kentelioù an Noz - Gwerzhav he anv.

Tud

• Marzhin Gwerzhav, bet ganet tro 527 en Naoned, bet marvet tro 601 e Gwezhav, manac'h ha sant.
• Denis Cassard de la Pantière, selaouer ouzh Kambr ar C'hontoù Breizh e 1616 (Marvet en karg)
• Jacques de la Pantière, selaouer ouzh Kambr ar C'hontoù Breizh e 1646
• Armand Bazin de Bezons, abad Sant-Varzhin Gwerzhav e 1718
• Jean Le Bonnetier de la Bareille, reizher ouzh Kambr ar C'hontoù Breizh e 1720
• Robert Hersant (1920-1996), chevañsour ar wask ha politikour gall, ganet eno
• Philippe Gondet, c'hoarier mell-droad, marvet eno d'ar 21 a viz Genver 2018.

Ardamezeg ar familhoù

	Alleaume, Aotrounez la Ramée	En glazur e gebrenn en aour, heuliet ouzh kab gant div rozenn en arc'hant, hag ouzh beg gant ur goulm ouzh kleiz en aour leinet gant ur steredenn ivez en aour
	d'Arquistade, Darquistade Aotrounez la Maillardière	En argant e gebrenn en gul, heuliet gant teir melionenn c'heotet
	l'Aubier, pe Laubier Aotrounez la Chaussée	En argant e deir grilh en sabel, an dornelloù bouklet ivez en sabel
	d'Aussonvilliers, Aotrounez Navinaux	En glazur e lammell en aour heuliet gant peder steredenn ivez en aour
	Armand Bazin de Bezons	En glazur e deir gurunenn dug en aour
	Bonnetier Aotrounez la Bareille	En glazur e eor en argant, e zaou delfin en aour balirant ha lammellet
	Guillaume de Carné provost Gwerzhav e 1532	En aour e ziv dreustell en gul
	Cassard Aotrounez la Pantière ha Lépan	En argant e leon en sabel, leinet gant div valafenn ivez en sabelSturienn ː Sans venin. [PPC]
	Tissart Aotrounez Drouillay	Palefarzhet; ouzh 1 ha 4, en argant e deir dorzhell en gul; ouzh 2 ha 3, en argant e dreustell en glazur

Gevellerezh

Gevellet eo Gwerzhav gant Morges ( Suis) abaoe 1957.

Pennad kar

• Kersoren.

Liammoù diavaez

• Lec'hienn ofisiel Ti-Kêr Gwerzhav

Levrlennadur

• Michel Froger & Michel Pressensé : Armorial des communes de Loire-Atlantique. 1996
• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995