Colt Python
| Colt Python | |
|---|---|
 Daou revolver Colt Python, dezhe kanolioù 6 meutad (15 cm, a-us) ha 4 meutad (10 cm, dindan) | |
| Kinnig | |
| Bro |  Stadoù-Unanet Amerika
|
| Doare | Revolver daou-ober (DA) |
| Munisionoù | .357 Magnum |
| Produer | Colt's Manufacturing Company |
| Pouez ha muzulioù (stumm 4 meutad) | |
| Mas (hep kartouchenn) | 1,077 kg |
| Hirder | 241 mm |
| Hirder ar c'hanol | 101 mm |
| Perzhioù all | |
| Endalc'h | Taboulin 6 kartouchenn |
| Lezenn | |
| Rummad e Bro-C'hall | B |
Ar Colt Python zo ur revolver kambret e .357 Magnum produet gant an embregerezh stadunanat Colt etre 1955 ha 2005 hag abaoe 2020.
Mont en-dro[kemmañ | kemmañ ar vammenn]
Ar Colt Python a zo ur revolver daou-ober, dezhañ un daboulin 6 kartouchenn .357 Magnum. Savet eo tro-dro da framm I an embregerezh. Hirderioù kanolioù disheñvel a zo bet gwerzhet evit plijout da implijerien liesseurt (polis, siviled, sportoù tennañ) : 2,5 meutad, 3 meutad, 4 meutad, 4,25 meutad, 6 meutad pe 8 meutad. Adalek ar bloavezhioù 1970 e veze reoliet kouch pep Colt Python gant ul laser. Ar wech kentañ eo e veze graet ar reoliadur-mañ evit un arm produet a-rummad[1]. Paouez a reas Colt da broduiñ ar revolver-mañ e 2005 met adkregiñ a rejont e 2020.[2]
Hervez tud ispisializet war an armoù evel ar Saoz Ian Vernon Hogg ez eo ar Colt Python unan eus gwellañ revolverioù an istor[3].
Implij[kemmañ | kemmañ ar vammenn]
Abalamour d'ar Colt Python bezañ un arm koustus a-walc'h n'eo ket bet implijet kalz gant tud a-vicher war-bouez gant un nebeud servijoù polis e stadoù Colorado, Georgia ha Florida. Implijet e voe evel arm personel gant soudarded 'zo da vare Brezel Vietnam ha gant gwarded-korf kannadourien stadunanat.
Er sevenadur[kemmañ | kemmañ ar vammenn]
- Ar Colt Python eo arm-dorn nesañ Rick Grimes, haroz an heuliad The Walking Dead[4].
- Ar c'haner amerikan Elvis Presley a oa un dastumer armoù a blije dezhañ ar Colt Python. Unan a brenas evit e dad-kaer, al letanant-koronal Beaulieu, pa voe anvet da vont da vrezel Vietnam[5]. Ur Colt Python engravet kaer a brofas ivez d'e ward-korf Richard Grob. Gwerzhet e voe e sav-taol e 172 500 $ e 2017 [6].
Daveennoù[kemmañ | kemmañ ar vammenn]
- ↑ (en) THOMPSON Leroy, Great combat handguns: a guide to using, collecting and training with handguns, 1993, p.106
- ↑ (en) Python Family war lec'hienn Colt (lennet d'an 29/04/2024)
- ↑ (en) HOGG Ian Vernon, Military small arms : 300 years of soldiers' firearms, Salamander Publishing,1994
- ↑ (en) Pajenn ar Colt Python war al lec'hienn The Walking Dead Wiki (lennet d'an 28/045/2024)
- ↑ (en) Elvis Presley check from February 1968 for a Colt Python pistol (lennet d'an 28/04/2024)
- ↑ (en) Lot 472 : embellished Colt Python presented by Elvis Presley war lec'hienn Rock Island Auction (lennet d'an 29/04/2024)
