Zelda a link between worlds

c'hoari video
Titl	ゼルダの伝説神々のトライフォース2, The Legend of Zelda
Heuliad	The Legend of Zelda
Tachenn	c'hoari video birvidik-avantur
Diorroer	Nintendo Entertainment Analysis & Development
Ti-embann	Nintendo
Savenn	Nintendo 3DS
Deiziad embann	22 Du 2013, 22 Du 2013, 23 Du 2013, 26 Kerzu 2013
Bro orin	Japan
Sevener	Hiromasa Shikata
Sonaozer	Ryō Nagamatsu
Produer	Eiji Aonuma
Dasparzher	Nintendo eShop
Pladenn ar sonerezh	The Legend of Zelda: A Link Between Worlds Original Soundtrack
Notenn ar varnouriezh	90/100, 90%, 87/100
Prizioù resevet	Game Developers Choice Awards Best Mobile/Handheld Game
Hollved faltaziek	universe of The Legend of Zelda
Tudennoù	Link
Doare c'hoari	c'hoari e-unan
Diaz embann	Nintendo 3DS, pellgargañ niverel
Renkadur CERO	A
Renkadur ESRB	Everyone
Renkadur PEGI	PEGI 7
Renkadur USK	USK 6
Lec'hienn ofisiel	https://www.nintendo.com/games/detail/the-legend-of-zelda-a-link-between-worlds-3ds
Frañchiz media	The Legend of Zelda

The Legend of Zelda: A Link Between Worlds a zo ur c'hoari-video gwezh-avantur krouet e 2013 gant Nintendo evit an Nintendo 3DS. Ar 17vet eus an heuliad The Legend of Zelda eo ar c’hoari-mañ ha dont a ra just war-lerc’h an titl The Legend of Zelda: A Link to the Past eus 1991. E miz Ebrel 2013 eo bet embannet A Link Between Worlds en Aostralia, e miz Du en Europa hag Amerika an Norzh, hag ur miz war-lerc'h e Japan.

Tremen a ra an istor bloavezhioù goude darvoudoù A Link to the Past. Ar c'hoarierien a c'hoari roll Link, hag en em laka da zegas ar peoc'h en-dro e rouantelezh Hyrule goude ma voe tapet ar briñsez Zelda gant ar sorser drouk Yuga, just a-raok tec'hout kuit dre ur frailh e bed kenstur Lorule. Yuga a fell dezhañ skrapañ ar Seizh Fur hag implijout o galloud evit adsevel a varv da vev ar Roue diaoul Ganon. Nebeut amzer goude bezañ staget gant e avantur, Link a gav un dro-vrec’h hud a ro dezhañ ar galloud da vezañ mesket gant ar mogerioù evel ul livadur 2Vent. Dre-se, gellout a ra Link mont betek lec'hioù nevez ha beajiñ etre bedoù Hyrule ha Lorule.

Diorroadur ar meizad a oa komañset gant ur skipailh bihan e 2009, un tammig goude ma oa bet echuet Spirit Tracks. E-pad ar prantad-se e oa bet patromet mekanikoù c'hoari evit meskañ an dudenn ouzh ar mogerioù. Koulskoude e voe meur a skoilh gant an diorren hag ar raktres a baouezas penn-da-benn e dibenn 2010, pa voe adkaset ar skipailh diazez da blediñ gant raktresoù disheñvel. Adkregiñ a reas an diorren e 2011 ha produet e voe ar c’hoari da vat e 2012. Goulennet e oa bet gant krouer an heuliad, Shigeru Miyamoto, diazezañ bed ha lec'h ar c'hoari war A Link to the Past, daoust ma oa bet adlabouret kalz a dakadoù. Klasket e oa bet gant tresourien ar c'hoari adsoñjal diazezoù an heuliad, ar pezh a gasas daou gemm bras e framm ar c'hoari : reiñ an tu d'ar c'hoarierien da echuiñ an darn vrasañ eus an tourioù-meur en urzh a fell dezho, ha lakaat e pleustr ur reizhiad feurmiñ traezoù.

A Link Between Worlds a voe meulet gant ar vurutellerien, roet e voe pour d'e sonerezh, e c'hoari dedennus, e elfennoù nevez hag ur santimant hiraezh, daoust ma oa bet burutelladennoù kemmesk war ar stil arzel. Gounezet ez eus bet leun a brizioù gant ar c'hoari. Gwerzhet ez eus ouzhpenn 2,5 milion a skouerennoù er bed a-bezh e-kerzh ar pemp miz kentañ, hag ouzhpenn 4,26 milion e 2022. Un heuliad eeun en deus bet, Tri Force Heroes, e miz Here 2015.

Daveennoù

1.https://www.jeuxvideo.com/news/2013/00068469-zelda-3ds-decouvrez-lorule-et-hilda.htm

2.https://www.siliconera.com/legend-zelda-link-worlds-place-zelda-timeline-detailed/

3.https://www.p-nintendo.com/news/zelda-a-link-between-worlds-des-artworks-entre-deux-mondes-236039