Zaho de Sagazan

Zaho de Sagazan

den

Reizh pe jener	plac'h
Bro ar geodedouriezh	Bro-C'hall
Anv ganedigezh	Zaho Mélusine Le Moniès de Sagazan
Anv-bihan	Zaho, Agathe, Mélusine
Anv-familh	de Sagazan
Deiziad ganedigezh	28 Kzu 1999
Lec'h ganedigezh	Sant-Nazer
Tad	Olivier de Sagazan
Kar	Lorraine de Sagazan
Yezhoù komzet pe skrivet	galleg
Micher	kaner-sonaozer, muziker
Deroù ar prantad labour	2021
Benveg sonerezh	mouezh, Piano, synthesizer
Tachenn	Nouvelle Chanson, synth-pop, electropop
Label sonerezh	Virgin Records, Q132658824
Lec'hienn ofisiel	https://zahodesagazan.store
Dileuriad ar gwirioù a aozer	Société des Auteurs, Compositeurs et Editeurs de Musique

Zao o kanañ e 2023

Zaho Mélusine Le Moniès de Sagazan pe Zaho de Sagazan hervez hec'h anv leurenn, ganet d'an 28 a viz Kerzu 1999 e Sant-Nazer (Liger-Atlantel), zo ur skrivagnerez-sonerez-kanerez ha sonerez c'hall.

E miz Meurzh 2023 he doa embannet hec'h albom kentañ, anvet La symphonie des éclairs, a lakaas anezhi da vezañ brudet a-daol-trumm.

E miz C'hwevrer 2024 e voe anvet e pemp rummad eus 39vet lid Les Victoires de la musique, ha mont a reas ar maout ganti e pevar anezhe, dreist-holl evit priz ar ganaouenn divoutin ha priz albom ar bloaz.

Sonerezh

Krog e oa Zaho de Sagazan da skignañ videoioù diwar he fenn war Instagram adalek 2015. Kanañ a ra dreist-holl kanaouennoù krouet dija. E 2016, evit he senenn gentañ, he doa c'hoariet La Bonne Étoile sonaozet gant -M- er c'hoariva Simone Veil e Sant-Nazer.

Adalek 2021 e kemeras perzh e kalz a festivalioù. E-pad Trans Musicales Roazhon e 2022 e kanas war leurenn an Aire libre e-pad pemp nozvezh ar festival. Un nebeud singles a zeuas da-heul, a zegasas brud dezhi da gentañ gant ar mediaoù.

D'an 31 a viz Meurzh 2023 e embannas hec'h albom kentañ, La symphonie des éclairs, ha komzet e voe diouti er gelaouenn sevenadurel Télérama.

E-korf un nebeud mizioù, tra ma ne oa ket anavezet a-raok, e oa deuet a-benn da vezañ spi nevez ar c'han gall. Garedonet eo bet an albom gant ur bladenn aour d'ar 25 a viz Kerzu 2023 goude bezañ bet gwerzhet 50 000 skouerenn anezhañ, ha goude-se pladenn blatin d'ar 1añ a viz Ebrel 2024 goude bezañ gwerzhet ouzhpenn 100 000 skouerenn anezhañ. E miz Genver 2024 e voe anvet er Music Moves Europe Talent Awards ha gounit a reas an daou briz brudetañ, ar Priz Meur ha Priz an Holl.

D'an 9 a viz C'hwevrer 2024 e voe anvet pemp gwech e 39vet lid Les Victoires de la Musique hag e c'hounezas pevar rummad, re ar ganaouenn gentañ gwellañ gant Sinfonienn ar goulaouennoù, an albom gwellañ, an diskuliadur war al leurenn hag an diskuliadur e rummad ar merc'hed.

D'an 13 a viz Meurzh 2024 e savas ur sonadeg dirak 7 000 a dud er Zénith, gant ar ganerez Solann evit al lodenn gentañ. D'ar 14 a viz Mae 2024 e kinnigas ur servij eus ar c'hentañ da-geñver digoradur Festival Cannes en ur ganañ Modern Love, bet skrivet gant David Bowie, en enor da brezidantez ar jury.

D'an 11 a viz Eost 2024, asambles gant keur an akademiezh Haendel-Hendrix, digeriñ a reas programm arzel lid-klozañ ar C'hoarioù Olimpek hañv en ur seniñ e liorzh an Tuileries e Pariz.

D'ar 25 a viz Here 2024 e oa bet embannet hec'h albom La Symphonie des éclairs (Le dernier des voyages). An doare kresket-mañ eus an hini a-raok zo un titl warn-ugent ennañ, en o zouez ar seizh ouzhpenn diembann evel Old Friend, kanaouenn divyezhek ma kan e galleg gant perzh saoznek he mignon Tom Odell.

Engouestloù

D’ar 1añ a viz Gouere 2024 e kemeras perzh en ur sonadeg a garitez e La Cigale e Pariz, a-du gant ar skoazell denegour e Gaza.

D'an 2 a viz Gouere war-lerc'h e tamall al luskour Cyril Hanouna war ar rouedadoù sokial ober « un diaoulidigezh eus an tu kleiz ha talvoudañ an tu dehou pennañ». E-keit-se he doa disklêriet souten an Nouveau Front Populaire hag enebiñ ouzh ar Rassemblement National. Kemer a reas perzh d'an 3 a viz Gouere en emvod-sonadeg aozet war blasenn ar Republik e Pariz da-geñver disoc'hoù tro gentañ dillennadeg deputed ar vodadenn vroadel (Législatives) lec'h e oa erruet ar Rassemblement National e penn. Eno e kanas ar ganaouenn Tristesse, ha kemmet he doa he c'homzoù evit tagañ war-eeun ar strollad.

Da-heul disklêriadurioù ar ganerez war ar rouedadoù sokial diwar-benn Cyril Hanouna, Europe 1, Europe 2 hag RFM, savlec'hioù skingomz ar strollad Bolloré, a zivizas berzañ he c'hanaouennoù.

Da-heul an dibrogrammadur-se, tost da 500 arzour a soutenas an arzourez a-enep Vincent Bolloré en ul lizher digor.

Zao e Victoires de la musique e 2023

Ar chadennoù taget a respontas e kavent gwelloc'h lakaat war-wel « un hent nevez evit identelezh ar sonerezh a ginnig kentoc'h ur programmadur lusketoc'h, festus ha joaius » ha « fin brud» ar ganaouenn La Symphonie des éclairs