Yezhoù barbakoek

Eus Wikipedia
Mont da : merdeiñ, klask
Yezhoù barbakoek.

Un anvadur douaroniel kentoc'h eget yezhoniel eo an anvadur yezhoù barbakoek. Graet e vez gantañ evit renkañ yezhoù komzet e mervent Colombia (departamantoù Cauca ha Nariño) ha norzh Ecuador. N'eur ket sur c'hoazh eo kar ar yezhoù a ginniger renkañ dindan an tog-se ha, dre-se, n'eo ket soliet da vat an anvadur "yezhoù barbakoek". Implijet e vez evit renkañ mesk-ha-mesk yezhoù bev n'int ket bet deskrivet-holl c'hoazh ha yezhoù marv n'ouzer ket gwall dra diwar o fenn, estreget int bet meneget ur mare bennak e mammennoù skrivet ergerzhourien pe skriverien zo.

Setu penaos e vez isrannet ar yezhoù er familh-se peurliesañ :

Yezhoù barbakoek[kemmañ]

I. Yezhoù an hanternoz

  1. Kwaikereg (pe cuaiquer, awaeg)
  2. Yezhoù gwambiaek-totoroek
    1. Gwambiaeg[1]
      1. Totoroeg (rannyezh wambiaek)
  3. Mouelyameg (pe muellama ) (yezh varv)
  4. Pasteg (yezh varv)

II. Yezhoù ar c'hreisteiz

  1. Karankieg (pe caranqui, kareg) (yezh varv)
  2. Kayapeg (pe cayapa, chachi, cha’palaachi)
  3. Koloradeg (pe tsafiqui, colima, campaz)

Evit doare ez eo da vat an totoroeg, komzet e kumun Totoró ur rannyezh eus ar gwambiaeg.

Lod a renk ar gwambiaeg e-touez ar yezhoù barbakoek; lod all o deus e renket e-touez ar yezhoù nasaek. Sklaer eo bet diskouezet bremañ n'eo ket kar ar gwambiaeg d'an Nasa Yuwe (nasaeg)

Levrlennadur[kemmañ]

  • Estado actual de la clasificación de las lenguas indígenas de Colombia; Instituto Caro y Cuervo; Santafé de Bogotá, 1993
  • Conclusiones del seminario sobre clasificación de lenguas indígenas de Colombia; Jon Landaburu, Universidad de los Andes, Bogotá, in Estado actual de la clasificación de las lenguas indígenas de Colombia; Instituto Caro y Cuervo; Santafé de Bogotá, 1993 pp.313-330.

Notennoù[kemmañ]

^  Moguex a oa bet graet gantañ evel anv all evit ar gwambiaeg a-wechoù. N'eo nemet an anv roet da Wambiaiz gant ar bobl amezek avat (Nasaed pe Paezed).

Liammoù diavaez[kemmañ]

Ethnologue