Yann-Wilhoù Herri

Eus Wikipedia
(Adkaset eus Yann-Wilhou Herri)
Sauter à la navigation Sauter à la recherche
Yann-Wilhoù Herri
Anv ofisiel Jean-Guillaume Henry
Obererezh Skrivagner
Ganedigezh d'ar 14 a viz Kerzu 1803
e Mellag, Kernev Kernev,
Breizh Breizh
Marv d'ar 12 a viz Genver 1880
e Kemperle, Kernev Kernev,
Breizh Breizh
Yezh skrivañ Brezhoneg


Yann-Wilhoù Herri (Jean-Guillaume Henry), ganet d'ar 14 a viz Kerzu 1803 e Mellag, marvet d'an 12 a viz Genver 1880 e Kemperle, oa ur beleg ha yezhour breizhat.

Ganet e oa e bourc'h Mellag, en un tiegezh dalc'het gant e dad, a oa maer. Tomm e oa e dud ouzh ar relijion hag ouzh ar renad kozh. Studiañ a reas e Kemper, ha beleget e voe en 1828. Kaset e voe da gure da Lesneven. Fall e oa e yec'hed, ha kaset e voe da aluzener da ospital Kemperle.

Amzer en doa da skrivañ, ha treiñ a reas buhez sant Izidor e brezhoneg, embannet en 1839, ar bloaz ma voe embannet Barzaz Breiz Kervarker. Hervez Fañch an Uhel hag Anatol ar Braz eo Herri e oa gwir oberour ar Barzaz Breiz, evel en dije lâret Kervarker d'an Uhel en 1890, diskleriadur skrivet gant an Uhel war gein ur golo-lizher.

A-dra-sur eo bet kuzulier Kervarker evit skrivañ ar yezh, met n'en deus ket gallet ober evit embannadur kentañ Barzaz Breiz, pa ne skrive ket c'hoazh e doare ar Gonideg.

Un adwel a reas, pe ouzhpennig, da Sainte Tryphine et le Roi Arthur, ar mister embannet gant Fañch an Uhel .

E-kichen iliz Mellag emañ e vez.

Oberennoù[kemmañ | kemmañ ar vammenn]

  • 1838 - Buez sant Isidor
  • 1842 - Kanaouennou santel dilennet ha reizet evid Eskopti Kemper [1]
  • 1858 - Buez hor Zalver Jezus Krist graet gant skridou tud santel ha gouiziek, E Kemperle, moulet e ti Guffanti-Breton.
  • 1864 - Kalon Mari
  • 1865 - Kantikou eskopti Kemper ha Leon
  • 1867 - Bennoz eur maner nevez (Kendalc’h keltiek etrevroadel - Sant Brieg)
  • 1872 - Buez ann Duk a Vourdel Herri V[2]

Troidigezhioù[kemmañ | kemmañ ar vammenn]

  • 1849 - Skrituriou Sakr. Genes, pe levr ar c’heneliez, E Kemperle, moulet e ti Guffanti-Breton.
  • 1860 - Skrituriou Sakr. Levr ann Exod ha meur a bennad euz al levriou all, bete maro Josue

Liamm diavaez[kemmañ | kemmañ ar vammenn]

Notennoù[kemmañ | kemmañ ar vammenn]

  1. https://archive.org/details/kanaouennousant00diocgoog
  2. Buez ann Duk a Vourdel Herri V