Winchester Model 1912
| Winchester Model 1912 | |
|---|---|
 Ur fuzuilh-pomp Winchester Model 1912, kalibr 12 | |
| Kinnig | |
| Bro |  Stadoù-Unanet
|
| Doare | Fuzuilh flour he c'hanol |
| Mont en-dro | Tennata dre zorn, dre bomp |
| Munisionoù | Kalibr 12 Kalibr 16 Kalibr 20 Kalibr 28 |
| Ijinerien | John Browning Thomas Crossley Johnson |
| Produer | Winchester Repeating Arms Company |
| Mare produiñ | 1912 - 1976 |
| Perzhioù teknikel | |
| Mas (hep kartouchenn) | 3,6 kg |
| Hirder | 997 mm |
| Hirder ar c'hanol | 510 mm |
| Endalc'h | Karger korzennek 6 kartouchenn + 1 gartouchenn er gambr |
| Lezenn | |
| Rummad e Bro-C'hall | C |
Ar Winchester Model 1912, anvet ivez Winchester 1912, Model 12 pe M12, zo ur fuzuilh-pomp flour he c'hanol, ijinet gant ar Stadunanad T.C. Johnson diwar labour John Browning, ha produet gant an embregerezh Winchester Repeating Arms Company etre 1912 ha 1976[1].
Istor ha deskrivadur
[kemmañ | kemmañ ar vammenn]Deveret eo ar Model 1912 eus ar Model 1897 ijinet gant John Browning. Ar c'hemm nes eo n'eus ket a gi diavaez war ar Model 1912. Kinniget e voe an arm er c'halibr 20 da gentañ, hag er c'halibroù 12 ha 16 adalek 1914. Seizh kartouchenn a c'halle bezañ pourveziet en arm : c'hwec'h er c'harger korzennek, hag unan en e gambr. Ur fuzuilh savet evit ar chase e oa da gentañ, met pa grogas ar Stadoù-Unanet er Brezel-bed Kentañ e 1917 e c'houlennas ar jeneral John J. Pershing, hag a oa e penn soudarded ar vro en Europa, e vije implijet fuzuilhoù-pomp evit an emgannoù en trañcheoù[2]. 20.000 skouerenn eus an M1912 a voe urzhiet digant Winchester neuze, hag a ginnige e 1918 daou stumm eus an arm : unan riot gun savet evit an nerzhioù polis dreist-holl, hag unan trench gun, berr he c'hanol, ha peadra da stagañ outañ ur vaionetez M1917[3][4], savet evit bezañ implijet war an talbenn.
80.000 skouerenn eus ar Model 1912 a voe roet d'an US Navy, d'ar Marines pe d'an US Air Force e-pad an Eil Brezel-bed. Implijet e voe puilh e emgannoù ar Meurvor Habask. Diwezhatoc'h e servijas ivez e brezel Korea hag e deroù brezel Viêt Nam, pa voe kemeret he flas tamm-ha-tamm gant fuzuilhoù Ithaca 37 ha Remington 870[3]. Ouzhpenn 2.023.000 skouerenn eus ar Model 1912 a voe produet en holl[1].
Ar Winchester Model 42 zo ur stumm deveret anezhi ha kambret e .410.
Er sevenadur
[kemmañ | kemmañ ar vammenn]Abalamour d'ar Model 1912 bezañ un arm poblek er Stadoù-Unanet ha produet kalz e c'haller e welet e meur a film evel The Godfather (1972), Mad Max (1979), Ne vimp ket gwerzhet (1987) pe The Highwaymen (2019). Gellet a raer ober gantañ e c'hoarioù video ar rummad Medal of Honor, hag e Tomb Raider, Enlisted pe World of Guns[5].
Pennadoù kar
[kemmañ | kemmañ ar vammenn]Daveennoù
[kemmañ | kemmañ ar vammenn]- ↑ 1,0 ha1,1 (en) Hervez an niveroù-serienn renablet gant al lec'hienn OldGuns.net (lennet d'ar 07/04/2025)
- ↑ (en) ALLEMEIER Kurt, Trench Guns: Shotguns for Ferocious Fighting, Rock Island Auction, 05/03/2025 (lennet d'ar 07/04/2025)
- ↑ 3,0 ha3,1 (fr) Winchester M12 – modèle 1912 – Histoire, fiche technique et photo, D-Day Overlord (lennet d'ar 07/04/2025)
- ↑ (en) POPENKER Maxim, Winchester model 12 M12 shotgun (USA), Modern Firearms (lennet d'ar 07/04/2025)
- ↑ (en) Winchester Model 1912, IMFDB (lennet d'ar 07/04/2024)
| ||||||||||||||||||||||||||
.svg){kind=small}
.svg){kind=small}
