Winchester Model 1894

Winchester Model 1894
	; ; Ur garabinenn Winchester Model 1894
Kinnig
Bro	Stadoù-Unanet Amerika
Doare	Karabinenn
Mont en-dro	Tennata dre zorn, dre loc'henn-grogenn
Bloavezh krouidigezh	1894
Produerien	Winchester Repeating Arms Company; Miroku
Mare produiñ	1894-2006; Abaoe 2011 (gant Miroku)
Skouerennoù produet	War-dro 7,5 milion
Perzhioù teknikel; Stumm diazez
Mas	3,1 kg
Hirder	960 mm
Hirder ar c'hanol	510 mm
Endalc'h	Karger korzennek 7, 8 pe 9 c'hartouchenn
Lezenn
Rummad e Bro-C'hall	C pe D

Ar Winchester Model 1894 zo ur garabinenn breouet gant John Browning e miz Eost 1894, ha gwerzhet adalek miz Du er memes bloaz gant an embregerezh stadunanat Winchester^[1]. Unan eus an armoù-skoaz gwerzhetañ er bed eo, pa 'z eus bet produet war-dro 7,5 milion a skouerennoù anezhi betek bremañ.

Deskrivadur

Un arm berr a-walc'h e oa ar Winchester 1894 pa voe kinniget war ar marc'had : 960 mm en holl, gant ur c'hanol 510 mm. Ur stumm fuzuilh dezhañ ur c'hanol 610 mm zo bet ivez^[2]. Kambret e oa e .32-40 ha .38-55 Winchester enne poultr du da gentañ, met e 1895 e voe ar garabinenn-chase gentañ kambret evit ur munision ennañ poultr divoged, an .30-30 Winchester, a-drugarez d'ur c'hendeuz dir ha nikel evit govelliñ he c'hanol^[3]. Pourveziet eo gant kargerioù korzennek 7, 8 pe 9 zenn hervez ar stumm.

He sistem tennata dre loc'henn-grogenn a oa disheñvel diouzh hini ar Winchester Model 1886 abalamour d'e vorailh bezañ just a-dreñv da gulasenn an arm, ha d'e surded tennañ a oa mouget pa veze bountet al loc'henn-grogenn betek penn^[2]. Strinket e vez an douilhezioù dre an nec'h gant an holl skouerennoù produet a-raok 1983^[1].

Degadoù a adstummoù anezhi zo bet kinniget dibaoe 1894^[4].

Implij

Priziet e voe ar garabinenn e Norzhamerika gant chaseourien ha kalz tud a laboure war ar maez abalamour d'he stumm berr, aes da zornata, ha d'ar galloud degaset gant ar c'hartouchennoù divoged. E servij e voe en un nebeud armeoù, evit soudarded an adreñv peurliesañ. E Bro-C'hall da skouer, 15.100 skouerenn anezhi ha 15.100.000 kartouchenn .30-30 a voe urzhiet gant an arme e dibenn miz Gwengolo 1914, evit bezañ roet da soudarded ar c'hanolierezh, ar morlu, ar pourveziañ, an tren hag an aerlestrerezh dreist-holl^[3].

Levrlennadur

(en) Martin Pegler, Winchester Lever-Action Rifles, Osprey Publishing, 2015, 80 p., ISBN 978-1472806574

Daveennoù

1 2 (fr) LUCOT Julien, De la carabine Hunt à la Winchester 1894, Cibles n°650, miz Eost 2024, pp. 16-20
1 2 (fr) Winchester 1894, Arme et Passion (lennet d'ar 04/01/2025)
1 2 (fr) CRUSSY Jean-Pierre, La Winchester 1894 dans l’armée française, UFA, 10/12/2019 (lennet d'ar 04/01/2026)
↑ (en) WAHL Paul, Gun trader's guide, Thirteenth Edition, Stoeger, p. 335-338

Stag eo ar bajenn-mañ ouzh Porched an Armoù-tan

[:0-1] 1 2 (fr) LUCOT Julien, De la carabine Hunt à la Winchester 1894, Cibles n°650, miz Eost 2024, pp. 16-20

[:1-2] 1 2 (fr) Winchester 1894, Arme et Passion (lennet d'ar 04/01/2025)

[:2-3] 1 2 (fr) CRUSSY Jean-Pierre, La Winchester 1894 dans l’armée française, UFA, 10/12/2019 (lennet d'ar 04/01/2026)

[4] (en) WAHL Paul, Gun trader's guide, Thirteenth Edition, Stoeger, p. 335-338

[1]

[2]

[3]

[4]