William Matthew Hart
Arabat eo droukveskañ gant William Hart.| William Matthew Hart | |
|---|---|
.jpg)
| |
| Ganedigezh | 1830 Luimneach, Iwerzhon .svg){kind=small} Rouantelezh-Unanet[1]
|
| Marv | 1908 Londrez  Bro-Saoz
|
| Broadelezh | Saoz |
| Micher | Skeudennaouer Maendreser |
William Matthew Hart (Luimneach, 1830 – Londrez, 1908) a oa ur arzour saoz bet ganet en Iwerzhon. Brudet eo dre e labour evel skeudennaouer evned, a savas evit an evnoniour John Gould dreist-holl, ha dre e vaendresadennoù.
Un danvez mezeg e oa William M. Hart en e yaouankiz, hogen ret e voe dezhañ paouez gant e studi dre ziouer a arc'hant.
E 1851, oadet a 21 bloaz, e krogas da dresañ evned evit John Gould, ar pezh a gendalc'has da ober e-pad tregont vloaz. E deroù ar mare-se e savas patromoù ar plankennoù maendreserezh evit labour J. Gould diwar-benn ar c'herentiad Trochilidae, en ur genlabourat gant e geneil ar skeudennaouer ha maendreser Henry Constantine Richter (1821-1902). E 1870 e voe W. M. Hart pennskeudennaouer John Gould.
Goude marv an evnoniour e 1881 e voe gopret William Matthew Hart gant al loenoniour Richard Bowdler Sharpe er British Museum evit klokaat labour J. Gould a-zivout laboused Ginea Nevez hag evit skeudennaouiñ ul levr gant R. B. Sharpe e-unan diwar-benn evned ar baradoz[2],[3].
-
Callipharus nigriventris -
Cnemophilus macgregorii -
Parotia lawesi
,_NGA_53554.jpg)
.jpg)
Notennoù
[kemmañ | kemmañ ar vammenn]- ↑ Er Rouantelezh-Unanet e oa Iwerzhon d'ar mare-se.
- ↑ (en) Olsen, Penny. Feather and brush: three centuries of Australian bird art. Melbourne: CSIRO Publishing, 2001 (ISBN 978-0-643-06547-5)
- ↑ (en) William Matthew Hart (1830-1908) @ Australian Museum. Kavet : 21 Gen 25.