Werner Haase
| Reizh pe jener | paotr  |
|---|---|
| Bro ar geodedouriezh | Alamagn, Trede Reich |
| Lealded | Trede Reich |
| Anv e yezh-vamm an den | Werner Haase |
| Anv-bihan | Werner |
| Anv-familh | Haase |
| Deiziad ganedigezh | 2 Eos 1900 |
| Lec'h ganedigezh | Köthen |
| Deiziad ar marv | 30 Du 1950 |
| Lec'h ar marv | Butyrka prison |
| Doare mervel | abeg naturel |
| Abeg ar marv | torzhellegezh |
| Den heverk | Joachim Mrugowsky |
| Yezhoù komzet pe skrivet | alamaneg |
| Micher | mezeg, kelenner skol-veur, surjian |
| Implijer | Humboldt-Universität zu Berlin |
| Diplom skol-veur | Doctor of Sciences in Medicine |
| Lec'h annez | Friedenau |
| Deroù ar prantad labour | 1941 |
| Strollad politikel | Strollad Broadel Sokialour al Labourerien Alaman |
| Kleñved | torzhellegezh |
| Perzhiad e | Nuremberg Medical Trial |
| Grad milourel | Obersturmbannführer |
| Brezel | Eil Brezel-bed |
| Skour lu | Schutzstaffel |
| Ezel eus | Sturmabteilung |
Werner Haase (2 a viz Eost 1900 e Köthen – 30 a viz Du 1950 e Moskov) a oa kelenner medisinerezh hag ofiser SS. Unan eus mezeien personnel Adolf Hitler e voe. SS-Obersturmbannführer eo ar grad diwezhañ a dizhas.
E vuhez
[kemmañ | kemmañ ar vammenn]Emezelañ a reas en NSDAP e 1933 hag en SS e 1941. Etre 1935 ha 1945 e voe unan eus mezeien Hitler, hag a gasas ur pellskrid dezhañ da-geñver e zeiz-ha-bloaz[1].
E dibenn emgann Berlin e miz Ebrel 1945 e sikouras Ernst Günther Schenck da louzaouiñ tud gloazet (siviled ha soudarded) a oa bet bodet en ur gwarez staliet dindan ar C'hañsellerdi, e-kichen ar Führerbunker. D'an 29 a viz Ebrel e voe galvet er Führerbunker ma sikouras Ludwig Stumpfegger da reiñ sianur da Blondi (ki Hitler), peogwir e felle da Hitler gouzout hag efefus e oa ar c'hapsulennadoù sianur[2]. Er bunker e chomas betek m'en em lazhef Hitler, ha goude-se e tistroas da labourat er gwarez, ma voe tapet gant soudarded an Arme Ruz. D'ar 6 a viz Mae e c'houlennas ar Soviediz digant Haase bezañ e-touez ar re o doe da anavezout korfoù devet Joseph Goebbels, Magda hag o c'hwec'h bugel. Haase eo a anavezas korf Goebbels, a-drugarez d'an harp a oa ouzh e c'har dehou.
Haase a chomas prizoniad ar Soviediz betek e varv. E miz Even 1945 e voe tamallet outañ bezañ bet unan eus mezeien personnel Hitler ha bezañ louzaouet pennoù-bras all gouarnamant Hitler hag ivez izili NSDAP ha re an SS. Mervel a reas e miz Du 1950 abalamour d'an droug-skevent. Mervel a reas e toull-bac'h-ospital Boutyr, da lavaret eo marteze toull-bac'h Boutyrka e Moskov.
Er film alaman Der Untergang (2004) ez eo an aktor Matthias Habich a c'hoari perzh Haase.
Notennoù
[kemmañ | kemmañ ar vammenn]- ↑ V.K. Vinogradov et al ; Hitler's Death: Russia's Last Great Secret from the Files of the KGB ; Chaucer Press ; 2005 ; p. 85
- ↑ Ian Kershaw ; Hitler, volume II ; W.W. Norton ; 2000, p. 286
| |||||||||||||||||||||||||||||||||||||||||