Webley (revolver)
| Webley revolver | |
|---|---|
 Ur revolver Webley Mk. VI e .455 | |
| Kinnig | |
| Bro orin |  Rouantelezh-Unanet |
| Doare | Revolver |
| Mont en-dro | Platinenn un-ober / daou-ober |
| Munisionoù | .455 Webley Stummoù e .38/200 |
| Bloavezh krouidigezh | 1880 |
| Mare servij | 1887 - 1963 (Rouantelezh-Unanet) |
| Produerien | Webley & Scott RSAF Enfield |
| Mare produiñ | 1887-1924 |
| Niver produet | War-dro 125 000 |
| Perzhioù teknikel (stumm Mk VI) | |
| Mas (hep kartouchenn) | 1,1 kg |
| Hirder | 286 mm |
| Hirder ar c'hanol | 152 mm |
| Endalc'h | Taboulin 6 tenn |
| Lezenn | |
| Rummad e Bro-C'hall | B pe D hervez o stumm |
Ar Webley zo un heuliad revolverioù bet reolius e armeoù ar Rouantelezh-Unanet etre 1887 ha deroù ar bloavezhioù 1960. Un daboulin 6 tenn a zo dezhe, ur blatinenn un-ober ha daou-ober, hag ur framm top-break : ret eo lakaat an daboulin, ar c'hanol hag ul lodenn eus ar framm da wintañ war an a-raog evit digeriñ hag adkargañ an arm. Kambret eo ar braz eus ar skouerennoù e .455 Webley.
Ijinet e voe an arm e 1880[1] gant Webley, diazezet e Birmingham, un embregerezh hag a broduas ar braz eus ar 125 000 skouerenn (well-wazh). C'hwec'h stumm nes anezhañ a zo bet, anvet gant ar berradur Mk. (Mark, "stumm") hag ur sifr :
- Mk. I (1887) : stumm orin, kanol 100 mm.
- Mk. II (1895) : kemmoù war ar morzhol hag an dornikell.
- Mk. III (1897) : kemmoù war an daboulin. Ne voe ket produet kalz anezhe. Pourveziet e voent d'ar Royal Navy.
- Mk. IV (1899) : stumm savet e dir a galite uheloc'h, kemmoù war un nebeud pezhioù evel ar skoed evit gwareziñ an tenner. Lesanvet eo ar stumm-mañ Boer War model e saozneg abalamour d'e implij da vare brezel ar Voered.
- Mk. V (1913) : stumm gant un daboulin kreñvaet evit anduriñ gwelloc'h ar poultr divoged. Ur stumm ral ha priziet gant an dastumerien eo[2].
- Mk. VI (1915) : stumm heñvel ouzh ar Mk. V, gant ur c'hanol hiroc'h (152 mm)[3] hag un dornikell disheñvel he neuz. Hemañ a voe implijet da vare ar Brezel-bed Kentañ. E-pad an Eil Brezel-bed e oa an Enfield No. 2 reolius er British Army, met pourveziet e voe kalz soudarded gant ar Webley Mk. VI memestra abalamour d'ar vank a armoù-dorn.
Adstummoù kambret e .38/200 zo bet goude ar Brezel-bed Kentañ evit bihanaat ha modernaat kalibr an arm[4]. Skouerennoù zo bet adkambret e .45 ACP ivez[5]. Stumm all er c'halibroù .22 ha .32 zo bet savet evit an dennerien sport[6].
Liamm diavaez
[kemmañ | kemmañ ar vammenn]- (en) Pennad war ar Webley Mk. VI implijet gant ar skrivagner J.R.R. Tolkien er Brezel-bed Kentañ, e emgann ar Somme (1916) peurgetket, ha miret e dastumadegoù an Imperial War Museums.
Levrlennadur
[kemmañ | kemmañ ar vammenn]- (en) Robert Maze, The Webley Service Revolver, Osprey Publishing, 2012, 80 p., ISBN 978-1849088039
Daveennoù
[kemmañ | kemmañ ar vammenn]- ↑ (en) History war lec'hienn Webley & Scott (lennet d'an 29/11/2025)
- ↑ (en) SCHREIER Philip, Classic Guns: Webley Mk V Revolver, American Rifleman, 30/01/2020 (lennet d'an 29/11/2025)
- ↑ (fr) HOUSTON Rob, STROYAN Christine (renerezh), Armes à feu de légende, Larousse, 2019, ISBN 978-2035979650, p. 163
- ↑ (en) WILSON Royce, Firearm history: The Webley Mark IV .38 revolver, Sporting Shooter (lennet d'an 29/11/2025)
- ↑ (en) POPENKER Maxim, Webley revolvers, Modern Firearms (lennet d'an 29/11/2025)
- ↑ (fr) BUIGNE Jean-Jacques, Comment classer les revolvers Webley de Mk I à Mk VI ?, UFA, 30/07/2025 (lennet d'an 29/11/2025)
