Vickers (mindrailherez)
| Mindrailherez Vickers | |
|---|---|
.jpg) Ur vindrailherez Vickers Mk. I | |
| Kinnig | |
| Bro | .svg){kind=small} Rouantelezh-Unanet
|
| Doare | Mindrailherez (stumm diazez yenaet dre zour) |
| Mont en-dro | Tennata dre argil |
| Munisionoù | .303 British (stumm e arme Breizh-Veur) Adstummoù e meur a vro : .30-06 Springfield 11 mm Vickers ha reoù all (gwelet al listenn) |
| Produerien | Vickers Company |
| Mare produiñ | 1912 - ? |
| Niver produet | ? |
| Mare implij | 1912 - bloavezhioù 1960 (arme Breizh-Veur) |
| Pouez ha muzulioù | |
| Mas (hep kartouchenn) | 18,1 kg Trebez : 23 kg Dour ar sistem-yenaat : 4,1 kg |
| Hirder | 1.155 mm |
| Hirder ar c'hanol | 723 mm |
| Perzhioù all | |
| Tizh o vont e-maez | 744 m/s |
| Lusk-tennañ teorikel | Etre 450 ha 500 tenn/mn |
| Endalc'h | Gouriz 250 kartouchenn |
| Lezenn | |
| Rummad e Bro-C'hall | A |
Ar Vickers a zo ur vindrailherez implijet gant ar British Army e hanterenn gentañ an XXvet kantved, hag e-pad ar Brezel-bed Kentañ dreist-holl.
Istor ha deskrivadur
[kemmañ | kemmañ ar vammenn]
Ar Vickers, anvet da gentañ Vickers New Light, a zo un adstumm d’ar vindrailherez Maxim, dezhi un nebeud kemmoù evel an dir e-plas al leton evit sevel pezhioù[1], ha kambret e .303 British, kalibr standart armoù-skoaz an arme vreizhveurat e 1912, pa voe produet he skouerennoù kentañ ha kroget da implijout anezhe dindan an anv ofisiel Vickers Mk.I. Skañvoc’h e oa evit ar Maxim neuze, met ar memes gwikefre tennata dre argil gant ur glin a implije dre vras. Brudet e oa evit bezañ un arm fiziapl, gant ma veze cheñchet e ganolioù en ur mod reoliek[2].
Pourveziet e oa gant gourizoù 250 kartouchenn, ha yenaet e oa dre zour. Abalamour d’ar vindrailherez produiñ aezhenn dour pa veze tennet e voe implijet a-wechoù war an talbenn gant ur pezh ouzhpenn, dezhañ un duellenn liammet ouzh ul lestr, evit dastum an aezhenn ha kuzhat an arm hag e vindrailherien gwelloc’h[2].
Implij
[kemmañ | kemmañ ar vammenn]Talvoudus e voe ar Vickers d’ar British Army war talbennoù difiñv ar Brezel-bed Kentañ, e-lec’h ne save ket he fouez kudennoù bras. Implijet e voe an arm en ur mod ofisiel betek dibenn ar bloavezhioù 1960. Ar Royal Navy a viras un nebeud skouerennoù anezhañ betek ar bloavezhioù 1980 zoken[3]. Ur stumm yenaet dre aer a voe savet ivez war veur a garr-nij brezel saoz pe gall eus ar Brezel-bed Kentañ, evel ar Breguet 14[4].
Savet e voe war un nebeud tankoù saoz implijet e deroù an Eil Brezel-bed dreist-holl, evel an A11 Mathilda I, ar Cruiser Mark IV, an A9 Mark I pe an A12 Mathilda II[5].
Adstummoù
[kemmañ | kemmañ ar vammenn]Meur a adstumm, dezhe kalibroù disheñvel, a voe savet evit armeoù broioù all e hanterenn gentañ an XXvet kantved :
- 6,5 × 52 mm Mannlicher–Carcano (
Italia) - 6,5 × 50 mm Arisaka
- 6,5 × 53 mm R
- 7 × 57 mm Mauser : un nebeud skouerennoù evit armeoù Chile hag El Salvador
- .280 British
- 7,5 × 55 mm Swiss
- 7,62 × 51 mm NATO
- .30-06 Springfield (
Stadoù-Unanet Amerika) : stumm M1915, dezhi ul lusk-tennañ uheloc'h, 12.125 skouerenn produet gant Colt etre 1917 ha 1918. 2.888 anezhe a voe kemeret o flas gant mindrailherezioù Browning M1917 e dibenn ar brezel ha treuzfurmet e mindrailherezioù yenaet dre aer evit bezañ savet war girri-nij[6]. - 7,62 × 54 mm R : 3.000 skouerenn savet gant Colt er Stadoù-Unanet evit Impalaeriezh Rusia e 1917
- 7,65 × 53 mm Mauser : un nebeud skouerennoù evit armeoù Arc'hantina ha Belgia
- 7,7 × 58 mm Arisaka (
Japan) : dindan an anv Type 89 - 8 mm Lebel : (
Frañs) : 2.000 skouerenn urzhiet e 1914, met 52 a voe gwerzhet d’ar vro hepken[7] - 11 mm Vickers
Daveennoù
[kemmañ | kemmañ ar vammenn]- ↑ (fr) HOUSTON Rob, STROYAN Christine (renerezh), Armes à feu de légende, Larousse, 2019, p. 196
- ↑ 2,0 ha2,1 (fr) McNAB Chris, Armes à feu Encyclopédie visuelle, L'Imprévu, 2022, p. 243
- ↑ (en) POPENKER Maxim, Vickers Mk.I, Modern Firearms (lennet d'ar 14/03/2025)
- ↑ (en) Vickers Machine Gun, Plane Encyclopedia (lennet d'ar 14/03/2025)
- ↑ (fr) FOSS Christopher F., Chars de la 2e Guerre mondiale, PML Éditions, 1994, 159 p., ISBN 2-87628-896-6
- ↑ (fr) CADIOU Yves L., Les Colt Volume 4, Fusils, carabines et mitrailleuses, Éditions du Portail, 1999, 120 p., ISBN 2-86551-042-5, p. 63
- ↑ (fr) FRANÇOIS Guy, Mitrailleuses et canons des avions français, e Histoire de Guerre, Blindés et Matériel, miz Ebrel 2023, pp. 27-38
