Union Repeating Gun
| Union Repeating Gun Mindrailherez Agar | |
|---|---|
 Un Union Repeating Gun | |
| Kinnig | |
| Bro orin |  Stadoù-Unanet Amerika
|
| Doare | Mindrailherez yenaet dre aer |
| Mont en-dro | Tennata dre zorn, dornikell da dreiñ |
| Munisionoù | Kartouchennoù paper, boledoù .58 (14,73 mm) |
| Ijiner | Wilson Ager (pe Agar) |
| Bloavezh krouidigezh | 1861 |
| Mare servij | 1861-1865 (Arme an Unaniezh) |
| Pouez ha muzulioù | |
| Hirder | 1.422 mm |
| Hirder ar c'hanol | 890 mm |
| Perzhioù all | |
| Lusk-tennañ | 120 tenn/mn |
| Hed-tenn efedus | 700-900 m |
An Union Repeating Gun ("Arm-tennata an Unaniezh"), anvet ivez Agar gun (pe Ager gun), ha lesanvet Coffee Mill Gun (arm milin-gafe) gant soudarded 'zo, a oa ur vindrailherez ijinet e 1861 hag implijet e-pad Brezel diabarzh Stadoù-Unanet Amerika.
Istor ha deskrivadur
[kemmañ | kemmañ ar vammenn]E-pad Brezel diabarzh Stadoù-Unanet Amerika e oa bet roet lañs bras d'an ijinerezh brezel evit dont a-benn da verraat padelezh ar brezel gant an daou du engouestlet. An Agar machine gun (Mindrailherez Agar), diwar anv Wilson Agar (skrivet a-wechoù Ager), an den en doa breouet anezhi e Bro-Saoz, a oa unan eus an hanter-kant bennak a vindrailherezioù dre zorn a voe savet e-deroù ar brezel[1].
Ar vindrailherez a oa bet lesanvet Coffee Mill Gun[2] dre ma oa damheñvel he sistem pourveziañ dre c'hravitadur ouzh ur mekanik kafe eus ar mare-se. Ennañ e veze enlakaet kartouchennoù paper, dezhe boledoù Minié .58 meutad (14,73 mm), ha dav e oa treiñ dornikell ar wikefre evit lakaat an arm da dennañ. Ne oa sistem yenaat ebet gant ar vindrailherez da gentañ, ar pezh a zegasas kudennoù mont en-dro. Evit o diskoulmañ e voe pourveziet bep a arm gant daou ganol ouzhpenn a c'halle bezañ cheñchet, hag ouzhpennet ur sistem yenaat dre aer simpl[1].
Implijet e voe an arm a-nebeudoù e-pad emgannoù ar Brezel diabarzh, ha tennet e voe eus ar servij e 1865[2]. Ne voe ket produet kalz skouerennoù anezhañ, pa gave gwelloc'h pennoù meur an arme heñchañ amzer ha danvez an industriezh war-zu mouskedoù klasel evit o zroadegiezh[1].
-
Traoñ sistem pourveziañ an Union Repeating Gun -
An arm gant soudarded an 96th Pennsylvania Volunteer Regiment, e Camp Northumberland (norzh Virginia) e miz C'hwevrer 1862
Liammoù diavez
[kemmañ | kemmañ ar vammenn]Davennoù
[kemmañ | kemmañ ar vammenn]- ↑ 1,0 1,1 ha1,2 (en) McCOLLUM Ian, Union Repeating Gun, Forgotten Weapons (lennet d'ar 24/05/2025)
- ↑ 2,0 ha2,1 (en) CANFIELD Bruce N., Rifleman Q&A: An Auger Gun In The Civil War?, American Rifleman, 06/06/2021 (lennet d'ar 24/05/2025)
