Unanenn steredoniel

Unanenn steredoniel
██ ≈ 1 au etre an Douar hag an Heol
Reizhiad	International Astronomical Union (IAU) Système International d'Unités (SI)
Kementad	Hedoù
Arouez	au (astronomical unit, ofisiel), au, AU
Kenfeurelezh an unanennoù SI en egor pc bg au m pc 1 3,2615 206 264,80 3,09×1016 bg 0,3066 1 63 242 9,46×1015 au 4,84×10-6 1,58×10-5 1 1,50×1011 m 3,09×10-16 9,46×10-15 1,50×10 -11 1

Er steredoniezh e reer unanenn steredoniel (berraet dre au, astronomical unit, hervez erbedadenn 5 diviz B2 an International Astronomical Union (IAU) e 2012 ha hini ar Bureau International des Poids et Mesures (BIPM) e 2019) eus un unanenn hed kevatal da 149 597 870 700 ± 3 metr.

Dre vras e lakaer 1 unanenn steredoniel da gevatal d'an hed etre an Douar hag an Heol, da lavaret eo e-tro da 150 milion a gilometroù ha da 8 munutenn da dizh ar gouloù er goullo (299 792 458 metr dre eilenn).

Termenadur

Divizet e oa bet termenadur an unanenn steredoniel e-kerzh XVIvet Kendalc'h an IAU e Grenoble e 1976, ha resisaet eo bet e 2012 gant an XXVIIIvet Kendalc'h e Beijing.

E 1976

• "Unanenn steredoniel" (A) a raed eus an hed e koskoriad an Heol ma talvez astalenn gerc'hellel Gauss (k) kement ha 0,01720209895 mar greer gant unanennoù an IAU evit an hedoù, tolz an Heol (1,9885 × 10³⁰ kg) ha pad un devezh (86 400 s). Neuze, 1 A = 149 597 870 000 metr.

Adalek 2012

• 1 au = 149 597 870 700 ± 3 metr, eleze 8 munutenn ha 19 eilenn da dizh ar gouloù er goullo.

Implij

Implijet e vez an unanenn steredoniel evit muzuliañ an hed etre ar planedennoù a zo e koskoriad an Heol. Re vihan eo avat evit muzuliañ ar pellder etre ar steredennoù : ar parsec (pc) eo an unanenn a implijer en degouezh-se : 1 pc = 648 000 / $\pi$ au = 206 264,80624709635656598954519745 au = 30 856 775 814 913 673 metr.