Mont d’an endalc’had

UPASP

Eus Wikipedia
Banniel UPASP (UPAEP)

Unvaniezh Postel Amerika, Spagn ha Portugal (UPASP) (spagnoleg : La Unión Postal de las Américas, España y Portugal (UPAEP) ; portugaleg : União Postal das Américas, Espanha e Portugal) zo un unaniezh rannvroel damheñvel ouzh Unvaniezh Postoù ar Bed (UPB). Krouet e oa bet e 1911 hag emañ e sez e Montevideo, en Uruguay. Pal an aozadur etregouarnamantel-se eo sevel un endro postel hepken etre e izili, evit aesaat dasparzh al lizheroù hag an treuzkas arc'hant etre an annezidi.

Dalc'het e voe Kendalc'h Postel Suamerika (Congreso Postal Sudamericano e spagnoleg ) d'an 8 a viz Genver 1911 gant kannaded eus Arc'hantina, Bolivia, Brazil, Chile, Ecuador, Paraguay, Perou, Uruguay ha Venezuela. Diwezhatoc'h (1926) e voe adanvet ar sindikad Kendalc'h Postel Panamerikan (Congreso Postal Panamericano e spagnoleg), Kendalc'h Postel Amerika-Spagnol (Congreso Postal Americoespañol) e 1936, Unvaniezh Postoù Amerika ha Spagn e 1966, hag Unvaniezh Postoù Amerika, Spagn ha Portugal e 1990.

  • Reiñ lañs d’ar servijoù postel er bed hag er rannved, gwellaat anezho e pep bro dre vodernaat anezho ha dre stummañ an dud a ra war-dro.
  • Kenurzhiañ ha brudañ ur c'henlabour efedus evit diorren ar servijoù post er broioù ha tiriadoù a zo emezelet en aozadur.
  • Kenurzhiañ ha brudañ an eskemm titouroù etre an izili war an dachenn oberiant, evit anavezout gwelloc’h ar reolennoù hag al lezennoù.
  • Gwellaat perzhioù mat ar servijoù, an etrekevreañ ha surentez ar rouedadoù dre implij teknologiezhioù kelaouiñ ha kehentiñ a sikourfe da vuzuliañ kalite ar servijoù postel, evit bastañ da c'houlennoù an implijerien hag ar pratikoù.
  • Kas ar program-se da benn en ur chom kenglot gant strategiezh Unvaniezh Postoù ar Bed. Derc’hel da eskemm, da gelaouiñ an aozadur etrebroadel-se hag ar strolladoù a labour gantañ.

28 a diriadoù ha stadoù a ya d’ober an unvaniezh :

Timbroù eus Chile

Da heul un diviz votet e Kendalc'h UPASP e La Habana e 1985 e voe dibabet kinnig bep bloaz un danvez bennak evit ma embannfe pep melestradurezh un timbr gant anv an aozadur, war batrom ar C.E.P.T. en Europa.

Liammoù diavaez

[kemmañ | kemmañ ar vammenn]

Commons
Commons
Muioc'h a restroù diwar-benn

a vo kavet e Wikimedia Commons.