Tric'horn vogalennoù
Er yezhoniezh e vez implijet an termen tric'horn vogalennoù (saoz.: vowel triangle) war tachenn ar fonologiezh hag ar fonetik evit komz eus un tric'horn derc'hel implijet evit diskwel lec'hiadur an teod pa distager ur vogalenn.
Peurliasañ e vez skeudennet evel un tric'horn skalenek gantañ stumm ur V lec'hiet e diabarzh genoù un den o sellet war-du tu-kleiz ar bajenn. A-wezhoù e vez skeudennet gant an drekstaon e-krec'h hepmuiken pe c'hoazh evel div linenn dreuzvegell hep linenn grec'h ebet.
Implijet e vez atav an teir vogalenn [a, i, u] evel vogalennoù dave lec'hiet e pep korn eus an tric'horn.