Treuzkas ar plasoù sokial

Eus Wikipedia

Implijet e vez an droienn Treuskas ar plasoù sokial evit ober anv eus ur fenomen gwir dre vras, a gas al lod brasañ eus an dud o deus er gevredigezh ar plasoù talvoudekaet ar muiañ da hentañ o bugale evit m'o defe ar memes plasoù er gevredigezh, hag al lod brasañ eus an dud o deus ar plasoù talvoudekaet an nebeutañ da henchañ o bugale evit m'o defe ar memes plasoù er gevredigezh. Ar fenomen-se a zo disoc'h dibaboù emskiant ha diemskiant.

Termeniñ[kemmañ | kemmañ ar vammenn]

Treuskas ar plasoù sokial a zo ur fenomen a c'haller merzout er gevredigezh dre vras, pa vez techet al lod brasañ eus bugale familhoù ur renkad sokial da zibab micherioù ha doareoù da vevañ a glot gant renkadoù sokial o zud. Merzhet e vez ar fenomen-se e kement lec'h, hogen kreñv pe greñvoc'h. E broioù hag e lec'hioù 'zo ez eo aesoc'h dibab micherioù ha doareoù da vevañ ha ne oant ket re ho familh, e lec'hioù all ez eo liammet strishoc'h gant treuzkal ur c'hapital, danvezel pe sevenadurel - neuze, ez eo diaes-kenañ da unan bennak ha ne oa ket pinvidik ha gouiziek e dud dibab unan eus ar micherioù a vez talvoudekaet ar muiañ, peogwir ne gredo ket ober peurvuiañ pe dre ma ne vezo ket asantet an aliesañ kinnig dezhañ micher-mañ-micher -.

Ar fenomen-se a c'haller merzout da skouer en ur lenn statistikoù sokio-micherel bro-mañ-bro, ha gwelet ped a "chañsoù" en dije mab ur micherour bennak da vont da sterniad, pe peseurt dregantad eus bugale ar sternidi a zo techet da vont da vicherour pe da implijad.

Studiadennoù o tennañ d'ar sujed[kemmañ | kemmañ ar vammenn]

Karl Marx[kemmañ | kemmañ ar vammenn]

Daoust ma tennas dreist-holl studiadennoù Karl Marx da efed treuszkas ar c'hapital danvezel, e reas anv dija eus Treuzkas ar plasoù sokial. Kinnig a reas Karl Marx dasparzh ar plasoù sokial evel ur fenomen liammet strizh gant talvoudegezh ar c'hapital danvezel a vezer pec'hen warnañ.

Bourdieu ha Passeron[kemmañ | kemmañ ar vammenn]

Adalek 1964 e cheñchas da vat ar mod ma veze sellet ouzh Trezuskas ar plasoù sokial. Kement-se dreist-holl diwar an tabutoù a savas da heul embann Les Héritiers, ul levr bet skrivet gant Bourdieu ha Passeron, a glaskas lakaat war wel sklaer ha resis peseurt fenomen a lak bugale ar familhoù desket ar gwellañ en o aes er skol. Kement-se koulz dre ma vez studiet gant ar vugale un danvez o deus bet tro bugale ‘zo da glevet anv eus outañ (diwar al levrioù a zo bet kinniget dezho, ar journal a zo er gêr, an abadennoù tele a vez kinniget dezho ...), ha doareoù bezañ tost ouzh re ar gêr (klask kompren, bezañ seven, selaou mat ...). Tra ma vez an danvez koulz hag an doareoù gortozet er skol nevez ha displijus evit bugale all, boaz da ober ar pezh o deus c’hoant ha disteroc’h o barregezhioù a fed aked, kompren, kemer perzh eus ar mod a vez gortozet ...Gant ar memes enklaskerien e voe embannet e 1970 un eil levr, La violence symbolique, a glaskas lakaat war wel ez eo a-drugarez d’ur gwask e teu a-benn tud ‘zo da vezañ gwelet en o flas e lec’hioù ‘zo, gant an dud tro-dro ha ganto o-unan.

Raymond Boudon[kemmañ | kemmañ ar vammenn]

Studiadennoù o tennañ da vro Frañs[kemmañ | kemmañ ar vammenn]