Toussaint François Jourjon

Toussaint-François Jourjon

den

Reizh pe jener	paotr
Bro ar geodedouriezh	Frañs
Anv-bihan	Toussaint
Anv-familh	Jourjon
Deiziad ganedigezh	4 Meu 1809
Lec'h ganedigezh	Roazhon
Deiziad ar marv	28 Gen 1857
Lec'h ar marv	Roazhon
Kar	Marie Bourgault-Ducoudray, Q133465354
Yezhoù komzet pe skrivet	galleg
Micher	kizeller, livour
Bet war ar studi e	École nationale supérieure des beaux-arts de Paris
Bet studier da	Michel Martin Drolling, Antoine-Jean Gros
Oberennoù zo en dastumad	Mirdi an arzoù-kaer Roazhon
Prizioù resevet	Priz Roma
Statud e wirioù aozer	Ar gwirioù aozer ne dalvezont ket ken

 

 Eus Wikidata

Toussaint François Jourjon (1809 e Roazhon, 1857 er memes kêr) a oa ul livour hag ur c'hizeller breizhat.

Buhezskrid

Ganet e voe Toussaint Jourjon d'ar 4 a viz Meurzh 1809 eus Joseph-Marie Jourjon, arkebuzenner ha kizeller, hag Anne Perrine Françoise Lesbaupin. Mont a reas e-barzh ar skol roazhonat d'an oad a 9 bloaz, betek 1830.

Pa varvas e gamalad al livour Frédéric Plessix e 1832 d'an oad a 24 bloaz e voe roet e yalc'h dezhañ gant kêr Roazhon. Mont a reas e-barzh Skol vroadel uhel an arzoù-kaer e Pariz, hag al livourien Michel Martin Drolling hag Antoine-Jean Gros a voe e gelennerien. Gounit a reas ur "mention" e 1835, hag e 1836 e voe roet dezhañ eil priz meur Roma e kizellerezh war zoldenn Marv Sokrates. Chom a reas goude e Roma er villa Médicis.

Pa tistroas e Roazhon e voe anvet kelenner tresañ er skol-kêr. Mervel a reas d'an 28 a viz Genver 1857 e Roazhon goude ur c'hleñved hir ha poanius.

Dimezhiñ a reas ouzh Françoise-Anne Éon du Val, merc'h da André Éon Duval, eil-maer Roazhon, ha da vMarie-Françoise Sarzeau. O mab, Charles-Toussaint-Henry Jourjon (1843-1888), studier er Skol politeknik, a voe ijinour an Hentoù ha Pontoù el labourioù hidrolek e Cherbourg, ha marc'heg lejion a enor Bro-C'hall. Toussaint Jourjon a voe eontr ar gizellerez Marie Bourgault-Ducoudray (1847-1885).

Oberennoù en dastumadoù publik

Breizh

Sainte-Anne (1843), eoullivadur war lien, penniliz Sant-Salver Roazhon.

• Domloup, iliz Sant-Loup, chapel su : La Fuite en Égypte, diwar Carle Van Loo, tro 1850, eoullivadur war lien.
• Gwezin, iliz Sant-Pêr : Crucifixion.
• Roazhon :
  • penniliz Sant-Salver : Sainte-Anne, 1843, eoullivadur war lien.
  • iliz-veur Sant-Pêr :
    • La Multiplication des Pains, 1842, eoullivadur war lien ;
    • Piéta, eoulivadur war lien.
  • mirdi an arzoù-kaer :
    • Portrait de Charles-Louis Jourjon, eoullivadur war lien, 75 x 59,5 sm. Poltred breur an arzour gwisket e kabiten an ijinerezh. Donezon gant mab-bihan da Charles-Louis Jourjon ;
    • Bélisaire demandant l’aumône, tro 1834, diwar Jacques-Louis David, eoullivadur war lien, 97.5 x 114 sm ;
    • Le Repas des dieux, diwar Raffaello, eoullivadur war lien, kopienn eus freskenn sel ar villa Farnesina e Roma.

 Bro-C'hall

• Chambéry, Mirdi an arzoù-kaer : Le Général Dessaix, 1836, hanterskeudenn en arem.
• Grenoble, mirdi Grenoble : Le Général Dessaix, 1836, hanterskeudenn en arem, 75 sm. Poltred ar jeneral Impalaeriezh Joseph Marie Dessaix, teuzet gant Édouard Quesnel.
• Versailhez, Mirdi Istor Bro-C'hall : Portrait de Louis-Philippe, diwar François Gérard, eoullivadur war lien.

Mammennoù

• Dielloù kêr Roazhon, marilhoù ar boblañs niverelet.