Tour-tan Penfred

Eus Wikipedia
Sauter à la navigation Sauter à la recherche
Tour tan
Tour-tan Penfred
Phare de Penfret02.jpg
lec'hiadur 47° 43' 16" N - 3° 57' 11" K
Bro Breizh
Savet e 1836-1838
Uhelder 24,25 m
Uhelder diwar live ar mor 38,50 m
Hed-gwel 20 mil-mor
Gouloù 1 sked ruz, bep 5 eilenn
Gweladenniñ ne reer ket
Annezet n’eo ket
Bloaz an emgefreekadur 1993

Tour-tan Penfred zo un tour-tan savet war enez Penfred, unan eus inizi Glenan, e Breizh.

Un tour karrezek eo tour-tan Penfred, dreist ur savadur mein savet e-kreiz ur c'hreñvlec'h eus 1812. Pelloc'h en enezenn edo ti-annez gwarded an tour-tan.

Ken abred hag an XVIIIvet kantved e oa bet tud o c’houlenn ma vefe savet un tour-tan en inizi Glenan, rak en amzer-se ne oa tour-tan ebet etre Beg Penmarc'h hag aber al Liger. E 1826 e voe divizet gant "Bodad an tourioù-tan" lakaat sevel un tanlec’h e biz Penfred. E 1836 e voe kroget gant labourioù an tour-tan, a voe savet gant mein tennet eus an enezenn, hag echuet e voent e 1838. D’ar 1añ a viz Here 1838 e voe enaouet an tan e beg an tour.

Adalek 1937 e voe enaouet ar gouloù gant gaz e-lec'h tireoul. E 1951 e voe kemeret lec'h ar gaz gant an tredan. Abaoe miz Ebrel 1993 eo emgefreek an tour-tan ha kontrollet e vez gant ur skipailh tud zo diazezet e Konk-Kerne.

Liammoù diavaez[kemmañ | kemmañ ar vammenn]