Timbroù Nandgam
Nandgam a oa ur stad-briñselezh indian gwarezet gant ar Rouantelezh-Unanet e fin an XIXvet kantved. Emañ bremañ e Stad Madhya Pradesh (Republik India).
Un toullad timbroù a voe embannet er vro eus 1892 betek 1894.
War ar c’houblad timbroù kentañ e lenner FEUDATORY STATE RAJ NANDGAM O R. Talvoud-gwerzh an timbr a liv glas a save da ½ anna, ha 2 anna an hini ruz.
Ar gerioù e saozneg zo aet da get war an eil rummad. Dreistmoullet e voent e 1894 gant ar pennlizherennoù M.D.B. a dalveze "Machant Balram Das", anv ar Raja e penn ar briñselezh.