Timbroù Kolombia Breizh-Veur hag Enez Vancouver
Emañ Kolombia Breizh-Veur hag enez Vancouver e kornaoueg Kanada. A-raok dont da vezañ ur broviñs e oant trevadennoù eus ar Rouantelezh-Unanet.
Un timbr a voe embannet dindan anv British Columbia and Vancouver Island e 1861, o kinnig poltred ar rouanez Victoria.
E 1865 avat e voe embannet daou rummad disheñvel : unan gant an alc'hwez VANCOUVER ISLAND, egile gant BRITISH COLUMBIA POSTAGE, warno tresadenn ur gurunnenn hag al lizherenn V (diouzh Victoria). Adembannet e voe an eil rummad-se e 1868-71.
Timbroù Kanada a vez graet gante abaoe 1871.