Thomas Pynchon

den
Reizh pe jener	paotr
Bro ar geodedouriezh	Stadoù-Unanet
Anv-bihan	Thomas, Ruggles
Anv-familh	Pynchon
Deiziad ganedigezh	8 Mae 1937
Lec'h ganedigezh	Glen Cove
Tad	Thomas Ruggles Pynchon Sr.
Mamm	Catherine Frances Pynchon
Yezhoù komzet pe skrivet	saozneg
Yezh implijet dre skrid	saozneg
Micher	skrivagner, romanter, skridarnodour, skrivagner skiant-faltazi
Implijer	Boeing
Bet war ar studi e	skol-veur Cornell, Oyster Bay High School
Diplom skol-veur	Bachelor of Arts
Bet studier da	Vladimir Nabokov
Lec'h annez	Manhattan
Lec'h labour	New York
Deroù ar prantad labour	1959
Skour lu	United States Navy
Diellaouet gant	Harry Ransom Center
Prizioù resevet	MacArthur Fellows Program, National Book Award, William Faulkner Foundation Award, William Dean Howells Medal of the American Academy of Arts and Letters
Statud e wirioù aozer	Oberennoù dezhe gwirioù aozer

Thomas Ruggles Pynchon Jr., bet ganet d’an 8 a viz Mae 1937, zo ur skrivagner stadunanat. Skrivañ a ra levrioù luziek a faltazi goudemodern. Enno ez eus anv eus an istor, an arzoù, ar skiantoù, hag ar sevenadur poblek.

Yaouankiz

Ganet eo bet Thomas Pynchon e Glen Cove, e Long Island, e stad New York^[1]. E dad, Thomas Ruggles Pynchon Sr. (1907–1995), a oa ur politiker hag un ijinour, hag e vamm, Katherine Frances Bennett (1909–1996), a oa ur glañvdiourez ; ur breur hag ur c’hoar en deus.

Pa oa krennard e lennas Pynchon kalz hag e skrivas abred. Mont a reas da lise Oyster Bay e Long Island, ma voe anvet da lisead ar bloaz, ha skrivañ a reas e kazetenn al lise. En e destennoù kentañ e oa dija perzhioù a gaver en oberennoù savet gantañ e-pad e vuhez : anvioù droch, fent skol, an implij eus drammoù a-enep al lezenn, ha paranoia.

Tapout a reas e vachelouriezh e 1953 pa oa 16 vloaz. Mont a reas da studiañ an ijinouriezh e skol-veur Cornell. Goude e eil bloavezh en em rollas e Morlu ar Stadoù-Unanet^[2]. E 1956, edo war al lestr-distruj USS Hank er Mor Kreizdouar e-pad enkadenn Suez^[3].

Levrioù

V. (1963)
The Crying of Lot 49 (1966)
Gravity's Rainbow (1973)
Slow Learner (1984), adembannadur meur a istor berr
Vineland (1990)
Mason & Dixon (1997)
Against the Day (2006)
Inherent Vice (2009)
Bleeding Edge (2013)
Shadow Ticket (2025)

Prizioù hag enorioù

Aet e oa an National Book Award gantañ evit Gravity’s Rainbow^[4].

E 1988 ez eas gantañ yalc’had MacArthur, ur priz roet bep bloaz da Stadunaniz dreistordinal o orinelezh, o youl krouiñ hag o emrenerezh^[5].

Daveoù

↑ (en) Krafft, John M. (2012). "Biographical note", The Cambridge Companion to Thomas Pynchon. Cambridge University Press. 10 p. ISBN 978-0-521-76974-7.
↑ Cowart, David (2011). Thomas Pynchon and the Dark Passages of History. Athens, Georgia : University of Georgia Press. 3 p. ISBN 978-0-8203-3709-8.
↑ Krafft, John M. (2012). "Chronology of Pynchon's Life and Works", The Cambridge Companion to Thomas Pynchon (in en). Cambridge University Press. x p. ISBN 978-0-521-76974-7.
↑ (en) Gravity’s Rainbow. National Book Foundation.
↑ (en) Thomas Pynchon. MacArthur Foundation.

[1] (en) Krafft, John M. (2012). "Biographical note", The Cambridge Companion to Thomas Pynchon. Cambridge University Press. 10 p. ISBN 978-0-521-76974-7.

[2] Cowart, David (2011). Thomas Pynchon and the Dark Passages of History. Athens, Georgia : University of Georgia Press. 3 p. ISBN 978-0-8203-3709-8.

[3] Krafft, John M. (2012). "Chronology of Pynchon's Life and Works", The Cambridge Companion to Thomas Pynchon (in en). Cambridge University Press. x p. ISBN 978-0-521-76974-7.

[4] (en) Gravity’s Rainbow. National Book Foundation.

[5] (en) Thomas Pynchon. MacArthur Foundation.

[1]

[2]

[3]

[4]

[5]