Theodoros Pangalos
| Reizh pe jener | paotr  |
|---|---|
| Bro ar geodedouriezh | Gres |
| Anv e yezh-vamm an den | Θεόδωρος Πάγκαλος |
| Anv-bihan | Theodoros |
| Anv-familh | Pangalos |
| Deiziad ganedigezh | 11 Gen 1878 |
| Lec'h ganedigezh | Salamis |
| Deiziad ar marv | 27 C'hwe 1952 |
| Lec'h ar marv | Kifisia |
| Tad | Dimitrios Pangalos |
| Mamm | Katingo Hatzimeletis |
| Breur pe c'hoar | Georgios Pangalos, Athina Pagkalou |
| Pried | Ariadne Sklias-Sachtouris |
| Bugel | Thiseas Pangalos, Dimitrios Pangalos, Amalia Domestikou, Georgios Pangalos |
| Kar | Theodoros Pangalos |
| Yezhoù komzet pe skrivet | gresianeg modern |
| Micher | politiker, milour |
| Karg | Kentañ Ministr Gres, President of Greece, Minister of Military Affairs of Greece, member of the Hellenic Parliament, Minister of Law and Order |
| Bet war ar studi e | Hellenic Military Academy |
| Strollad politikel | Liberal Party, National Liberal Party |
| Grad milourel | letanant jeneral |
| Brezel | Brezel-bed kentañ, kentañ brezel Balkan, Second Balkan War, Greco-Turkish War |
| Skour lu | Hellenic Army |
Al Letanant jeneral Theodoros Pangalos (Θεόδωρος Πάγκαλος,romanekaet: Theódoros Pángalos), ganet d'an 11 a viz Genver 1878 hag aet da Anaon d'ar 26 a viz C'hwevrer 1952, a oa ur jeneral, politikour ha diktatour gresian. Ofiser uhel enoret, stourmer Venizelour hag enep ar rouantelezh, Pangalos en doa bet ur roll a bouez en emsavadeg Gwengolo 1922 a oa bet o tigadoriañ ar roue Konstantínos Iañ hag e savidigezh an Eil Republik Hellenek. E miz Even 1925, Pangalos a oa bet o sevel un taol-stad bliv hag hep gwad, hag aotreet e oa bet da vont d'ar galloud gant ar Vodadeg vroadel a roas dezhañ ar garg a gentañ ministr. Evel "diktatour bonreizhel" e voe e penn ar vro betek ma voe skarzhet e miz Eost 1926. Etre miz Ebrel 1926 hag e zigadoriañ, e oa bet ivez prezidant ar Republik.
Pangalos en doa kuitaet ar vuhez foran e-pad ur pennad, met chomet e oa oberiant er c'helc'hioù milourel venizelour. E-kerzh Dalc'hidigezh Gres gant an Ahel (1941–1945), Pangalos hag ofiserien vilourel tost dezhañ a oa bet o harpañ savidigezh ar Batailhonoù surentez (Tagmata Asfaleias) kenlabourer. Tamallet e voe dezhañ bezañ kenlabouret gant an Alamanted. Disammet e voe gant ul lez-varn goude ar brezel, ha klasket en doa distreiñ d'ar politikerezh e 1950 met en aner. Marvet e oa e 1952.