The Way of All Flesh

Eus Wikipedia

The Way of All Flesh zo ur bomm saoznek, tennet eus ar Bibl (Levr Jozue) hag anv saoznek meur a dra.

An arroud eus ar Bibl[kemmañ | kemmañ ar vammenn]

E dibenn levr Jozue emañ Jozue o lavarout emañ o vont da vervel. Er Bibl saoznek ( Authorized Version ) e lenner: this day I am going the way of all the earth (23, 14) da lavarout eo hiziv emaon o vont war an hent ma ya kement tra war an douar. Koulskoude eo brudetoc'h doare ar Bibl saoznek katolik, embannet e 1601, ma lenner the way of all flesh , da lavarout eo an hent ma ya ar c'hig.
Er Bibl brezhonek, troet war-eeun diwar an hebraeg, e lenner : «Emaon o vont hiziv hervez planedenn an holl war an douar»[1].

En oberennoù all[kemmañ | kemmañ ar vammenn]

Daoust ma'z eo sklaer ar ster er Bibl eo deuet ar bomm da dalvezout traoù all alies.

  • Er pezh Westward Ho! e 1605, gant Thomas Dekker ha John Webster, e lavar Mistress Birdlime: "I saw him even now going the way of all flesh," hag e tispleg "(that's to say) towards the kitchen." (war-du ar gegin).
  • War-dro 1668 e veze implijet ar bomm da gomz eus darempredoù reizhel. Ral e veze d'an dud e implij d'ober anv eus ar marv.
  • Joseph Conrad a skrivas en e romant The Rescue e 1921 : "His flesh had gone the way of all flesh, his spirit had sunk in the turmoil of his past, but his immense and bony frame survived as if made of iron."

Oberennoù[kemmañ | kemmañ ar vammenn]

Liamm diavaez[kemmañ | kemmañ ar vammenn]

Notennoù[kemmañ | kemmañ ar vammenn]

  1. Ar Bibl, troet diwar an hebraeg gant Pêr ar Gall ha Job Lec'hvien, An Tour-tan, 1981, p.34