The Texas Chain Saw Massacre
| Titl | The Texas Chain Saw Massacre  |
|---|---|
| Labour da-heul | Hacksaw, The Texas Chainsaw Massacre |
| Heuliad | The Texas Chainsaw Massacre (frañchiz) |
| Danvez pennañ | lazher a steudad |
| Heuliet gant | The Texas Chainsaw Massacre 2 |
| Tachenn | sinema spont, exploitation film, Slasher |
| Bro orin | Stadoù-Unanet |
| Yezh orin ar film pe an abadenn skinwel | saozneg |
| Sevener | Tobe Hooper |
| Senarioour | Tobe Hooper, Kim Henkel |
| Rener ar skeudennaouiñ | Daniel Pearl |
| Sonaozer | Tobe Hooper |
| Daneveller | John Larroquette |
| Make-up artist | Dorothy J. Pearl |
| Produer | Kim Henkel, Tobe Hooper |
| Dasparzher | Bryanston Distributing Company |
| Lec'h an istor | Texas |
| Liv | liv |
| Notenn ar varnouriezh | 8.1/10, 87/100, 84% |
| Diaz embann | video diwar c’houlenn |
| Renkadur ar CNC | X rating (incitement to violence) |
| Renkadur EIRIN film | R18+ |
| Renkadur Filmiroda | Category IV |
| Renkadur FSK | FSK 18 |
| Renkadur Kijkwijzer | 16 |
| Renkadur MPAA | R |
| Lec'hienn ofisiel | https://thetexaschainsawmassacre.com/ |
| Assessment | Test Bechdel |
The Texas Chain Saw Massacre ("Lazhadeg gant un dreujerez e Texas")[1] zo ur film dizalc'h spont stadunanat bet embannet e 1974. Produet ha filmazoet eo bet gant Tobe Hooper, a savas ul lodenn eus ar sonerezh ivez, hag en doa kenskrivet ar senario gant Kim Henkel. Aktourien ar film eo Marilyn Burns, Paul A. Partain, Edwin Neal, Jim Siedow, ha Gunnar Hansen.
An istor a ro tro da welet ur strollad kamaladed chaseet gant ur familh tuddebrerien e-pad ma oant o weladenniñ un ti kozh. Bruderezh a zo bet graet tro-dro d'ar film kinniget evel awenet gant darvoudoù gwirion evit desachañ arvesterien, hag un doare e oa ivez da bismigañ politikerezh ar mare-se. An dudenn Leatherface hag un nebeud munudoù a zo bet awenet gant torfedoù ar muntrer Ed Gein, met ijinet ez eus bet un darn eus an istor.
Produet e oa bet ar film gant Tobe Hooper evit nebeutoc'h eget 140 000 dollar (700 000 $ a-vremañ) hag implijet en devoa aktourien dianav pe dost, deuet dreist-holl eus kreiz Texas, e-lec'h ma oa bet filmet. Abalamour d'ar feulster taolennet er film, T. Hooper a oa bet diaes dezhañ kavout un embanner. A-benn ar fin a oa bet prenet gant Bryanston Distributing Company. Tobe Hooper a oa bet rediet da chom hep diskouez re a feulster gwadek war ar skramm evit kaout un notenn PG – Parental Guidance Suggested ("erbedet eo ambroug tud ar vugale") digant an Motion Picture Association of America (MPAA) ; siwazh evitañ, ne oa ket bet a-walc'h hag an MPAA a oa bet o lakaat da dalvezout un notenn R – Restricted (berzhet dindan 17 vloaz en SUA). Ar memes diaesterioù a oa bet en estrenvro, betek bezañ berzet e meur a vro. Salioù sinema dre ar bed a oa bet rediet da baouez gant skignañ ar film rak re a glemmoù a oa bet tro-dro d'ar feulster diskouezet.
The Texas Chain Saw Massacre a oa bet embannet er Stadoù-Unanet d'an 11 a viz Here 1974. Degemeret e oa bet etre da gentañ gant burutellerien, met rastellet en devoa kalz arc'hant, e-tro 30 milion a zollaroù er box office stadunanat, ar pezh a vefe kevatal da 150,8 milion a zollaroù e 2019. Gwerzhet e oa bet ouzhpenn 16,5 milion a dikedoù e 1974. Abaoe, ar film a zo bet gwelet evel unan eus ar gwellañ ha levezonekañ filmoù spont. Lakaet eo evel mammenn un toullad elfennoù a voe adkemeret er filmoù doare slasher, evel implij ostilhoù galloudus evit muntrañ hag an doare muntrer o vezañ ramzel, amparfal ha masklet. Ar film a zo bet ivez orin ur frañchiz hag a zo bet o kenderc'hel gant an istor kreizennet war tudenn Leatherface hag e familh e filmoù a gendalc'h, filmoù en a-raok, adsevel, bannoù-treset comic, ha betek c'hoarioù video.
E 2024, ar film a oa bet gwelet evel talvoudus ha da vezañ gwarezet e Stadoù-Unanet Amerika en National Film Registry gant Levraoueg ar C'hendalc'h, abalamour d'e "dalvoudegezh sevenadurel, istorel pe kenedus"[2].
-
Ar familh tuddebrerien -
An ti implijet er film Texas Chainsaw Massacre
Pennadoù kar
[kemmañ | kemmañ ar vammenn]Notennoù ha daveennoù
[kemmañ | kemmañ ar vammenn]- ↑ The Texas Chainsaw Massacre e oa an titl war skritelloù er salioù sinema, ha meur a wech ez eo bet implijet, padal e oa The Texas Chain Saw Massacre an anv ofisiel, hervez digoradur ar film. An titl eo ivez hag a zo bet implijet pa oa bet enrollet en U.S. Copyright Office.
- ↑ 25 Films Added to National Film Registry for Preservation (December 17, 2024). Kavet : 06/05/2025.