The John B. Sails

The John B. Sails a zo ur ganaouenn hengounel eus Nassau (kêr-benn Bahamas) hag a voe treuzskrivet e saozneg hag embannet he fozioù e 1916^[1] gant ar barzh ha skrivagner saoz Richard Le Gallienne (1866-1947).

Evit doare e vije bet enrollet hag embannet gant ar strollad folk stadunanat The Weavers evit ar wech kentañ e 1950^[2], (The Wreck Of The) John B an titl anezhi.
Adkemeret e voe gant meur a arzour all :

e 1952^[3] gant ar c'haner bahamian Blake Alphonso Higgs (1915-1986), John B. Sail (Wreck Of The John B.) he zitl,
e 1958^[4] gant ar strollad folk stadunanat The Kingston Trio, Sloop John B he zitl,
e 1959 gant Johnny Cash (I Want To Go Home),
e 1960 gant Lonnie Donegan (I Wanna Go Home),

hag all...

Adkempennet, ha yaouankaet war un dro, e voe gant Brian Wilson (1942-) evit ma vije kanet gant The Beach Boys : embannet e 1966 en albom Pet Sounds e teuas Sloop John B da vezañ unan eus brudetañ kanaouennoù ar strollad stadunanat.

Gerioù Sloop John B (doare The Beach Boys) ...[kemmañ | kemmañ ar vammenn]

...war al lec'hienn A-Z Lyrics.

Yezhoù all[kemmañ | kemmañ ar vammenn]

Kanet eo bet un doare gallek — Mister John B. — gant Sylvie Vartan e 1966 hep n'o dije ar gerioù anezhañ mann ebet da welet gant ar re orin : Sylvie Vartan o kanañ Mister John B. war al leurenn e miz C'hwevrer 2008.. Souezhusat tra ! embannet e voe un doare gallek all gant Stone — Fille Ou Garçon — e 1966 ivez.

Liammoù diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]

[1] “The John B. Sails” (1916) by Richard Le Gallienne.

[2] The Weavers ‎– (The Wreck Of The) John B / The Roving Kind el lec'hienn Discogs.

[3] Blind Blake And His Royal Victoria Calypsos ‎– A Second Album Of Bahamian Songs el lec'hienn Discogs.

[4] The Kingston Trio ‎– Kingston Trio el lec'hienn Discogs.

[1]

[2]

[3]

[4]