Takad disoudardet Korea
.jpg)
| Deiziad krouiñ | 1953  |
|---|---|
| Anv er yezh orin | 한반도 비무장지대(韓半島非武裝地帶) |
| Stad | Korea ar Su, Republik Poblel ha Demokratel Korea |
| E tiriad | Korea ar Su, Republik Poblel ha Demokratel Korea |
| Daveennoù douaroniel | 38°19′12″N 127°12′0″E |
Takad disoudardet Korea (koreaneg: 한반도/조선반도 비무장 지대), brudet ivez evel Korean DMZ pe KDMZ, zo un takad douar a-dreuz ledenez Korea dres war an 38vet ledredenn norzh. An TDK a zo un harz skoilh hag a rann al ledenez e div lodenn. Savet e oa bet evel takad disoudardet etre stadoù Republik Poblel ha Demokratel Korea (Norzhkorea) ha Republik Korea (Sukorea) hervez disklêriadurioù Arsav-brezel Panmunjeom eus 1953, un emglev etre Norzhkorea, Republik Pobl Sina, ha Pennrenerezh ar Broadoù Unanet e Korea.
An TDK a zo 250 km a hirder ha tro 4 km a ledander. Pep tu eus an takad-harz a zo tachennoù milourel savet-mat. An takad eo an talbenn etre an div vro e-kerzh ar bec'h korean hag a bad betek hiziv-an-deiz c'hoazh. Bez ez eus bet reuzioù alies tro-dro d'an takad disoudardet, gant tud lazhet, trevourien pe soudarded, a bep tu. En takad disoudardet korean ez eus ul lec'h evit an emgavioù etre an div stad, implijet e vez pa vez kendivizoù : anvet eo Joint Security Area (JSA) ha lec'hiet eo nepell diouzh lodenn kornôg fin an takad, nepell diouzh kêr-benn Sukorea Seoul.