T-26 (tank)

Eus Wikipedia
Sauter à la navigation Sauter à la recherche
Un T-26 eus 1933

An tank T-26, a oa un tank troadegiezh lijer eus URSS implijet e-pad brezelioù ar bloavezhiooù 1930 hag e-pad an Eil Brezel-bed. Un doare gwellaet e oa eus ar Vickers 6-Ton saoz. Bez e voe unan eus ar gwellañ tankoù savet er bloavezhioù 1930 betek ma voe krouet armoù enep tankoù a c'helle toullañ an hobregon lijer.

Un tank T-26 e pad Brezel Spagn, Emgann Belchite e 1937

Produet e voe kalz muioc'h an tank-se evit ar re all a oa er memes maread. Ouzhpenn 11 000 a voe savet. E-pad ar bloavezhioù 1930, an URSS a broduas 53 doare disheñvel eus an tank T-26. Lod anezho a oa tankoù skarzher-tan, reoù doare karbed ijinerien stourm, doare kanol emgefreek, traktourioù kanolierezh. Tri stumm disheñvel warn-ugent a voe produet dre linennoù sevel, ar peurrest a oa reoù taol-arnod.

Tankoù T-26 distrujet e-pad Emgann Brody. Dre ma pade an Oberiadur brezel Barbarossa e oa anat e oa re lijer hobregon an tank evit talañ ouzh nerzhioù an Trede Reich.