Stumm 19 Norzh Sina (pistolenn)

Arabat eo droukveskañ gant Stumm 19 Norzh Sina (fuzuilh).

Pistolenn stumm 19 Norzh Sina
Kinnig
Bro	Japan Sina aloubet
Doare	Pistolenn damaotomatek
Mont en-dro	Tennata dre argil berr ar c'hanol
Munision	8 × 22 mm Nambu
Mare produiñ	1944 - 1945
Niver produet	War-dro 100
Implijet e	Brezel etre Sina ha Japan Eil Brezel-bed
Mare servij	1944 - 1945
Perzhioù teknikel
Mas (hep kartouchenn)	1,106 kg
Hirder	235 mm
Hirder ar c'hanol	118 mm
Endalc'h	Karger fiñv 8 kartouchenn
Lezenn
Rummad e Bro-C'hall	B

Ar stumm 19 Norzh Sina (e japaneg : 北支一九式拳銃) zo ur bistolenn damaotomatek bet produet e dibenn an Eil Brezel-bed gant Impalaeriezh Japan ha Renad Wang Jingwei e norzh Sina. Un diskoulm e oa evit degas armoù-dorn d'an unvezioù e Manchouria pa oa bet troc'het linennoù pourveziñ Japan gant listri-spluj ha bombezadegoù ar Gevredidi. End ofisiel e oa bet aprouet gant penn burev an ordrenañs.

Seblantout a ra ar bistolenn-mañ bezañ un adstumm simplaet eus an Nambu 14, met an holl baperioù a denne da ziorren an arm a zo bet kollet e fin ar brezel. An nebeud kemmoù degaset eo lec'hiadur loc'henn surded an arm, hag ar fed e vefe simploc'h ar Stumm 19 da zivontañ evit an Nambu 14. Mod-all e oa ar Stumm 14 heñvel ouzh ar bistolenn orin, dezhi ur sistem tennata dre argil berr hag ur c'harger 8 kartouchenn 8 × 22 mm.

Pal Japaniz e oa sevel 5 000 skouerenn eus an arm, met tro 200 a vije bet produet hepken, etre 1944 ha 1945, dezhe ur c'halite izeloc'h-izelañ a feur ma oa fin ar brezel o tostaat. Nebeut-tre a skouerennoù eus an Type 19 a chom hiziv-an-deiz, un unnek bennak nemetken.

Liammoù diavaez

• (en) North China Type 19 war Forgotten Weapons

Daveennoù

  Stag eo ar bajenn-mañ ouzh Porched an Armoù-tan