Steve Buscemi

den
Reizh pe jener	paotr
Bro ar geodedouriezh	Stadoù-Unanet
Anv e yezh-vamm an den	Steven Vincent Buscemi
Anv-bihan	Steven, Vincent, Steve
Anv-familh	Buscemi
Deiziad ganedigezh	13 Kerzu 1957
Lec'h ganedigezh	Brooklyn
Breur pe c'hoar	Michael Buscemi
Pried	Jo Andres
Bugel	Lucian Buscemi
Yezh vamm	saozneg
Yezhoù komzet pe skrivet	saozneg
Yezh implijet dre skrid	saozneg
Bet war ar studi e	Lee Strasberg Theatre and Film Institute, Nassau Community College, Valley Stream Central High School
Lec'h annez	Brooklyn
Deroù ar prantad labour	1985
Filmadurezh	Steve Buscemi filmography
Prantad	XXvet kantved
Rummad tost	Category:Films directed by Steve Buscemi

Steven Vincent Buscemi, ganet d'an 13 a viz Kerzu 1957, zo un aktour stadunanat. Brudet eo evit e rolloù evel aktour rummad. Alies en deus labouret gant filmaozerien evel ar Vreudeur Coen hag Adam Sandler. Meur a vuruteller o deus lavaret e oa Busceni unan eus ar gwellañ aktourien ha n'eo ket bet enoret gant un Academy Award na memes anvet evit unan^[1]^[2]. C'hoariet en deus rolloù bras e filmoù dieub evel e Parting Glances (1986), Mystery Train (1989), In the Soup (1992), ha dreist-holl evel Mr. Pink en Reservoir Dogs (1992) gant Quentin Tarantino.

Buscemi en deus c'hoariet kenkoulz e filmoù dieub hag e filmoù "bras" evel Living in Oblivion (1995), Desperado (1995), Con Air (1997), Armageddon (1998), Ghost World (2001), Spy Kids 2: The Island of Lost Dreams (2002), Big Fish (2003), ha The Death of Stalin (2017). Labouret en deus alies gant ar Vreudeur Coen, evel en Miller's Crossing (1990), Fargo (1996), ha The Big Lebowski (1998). Bet en deus ivez eil rolloù pe rolloù cameo e filmoù gant Adam Sandler, evel Airheads (1994), Billy Madison (1995), The Wedding Singer (1998), Mr. Deeds (2002), Grown Ups (2010), hag Hubie Halloween (2020). Bet eo bet mouezhier ivez e filmoù bevaat evel Final Fantasy: The Spirits Within (2001), an heuliad filmoù Monsters, Inc. (2001–2013), Home on the Range (2004), Monster House (2006), Igor (2008), hag an heuliad filmoù Hotel Transylvania (2012–2022), Khumba (2013), The Boss Baby (2017) ha Transformers One (2024).

Oberiant eo bet Buscemi ivez evit ar skinwel, evel e roll pennañ Enoch "Nucky" Thompson er stirad skinwel gant HBO Boardwalk Empire (2010–2014). Bet eo enoret gant daou Screen Actors Guild Award, ur Golden Globe ha lakaet e anv div wech evit Primetime Emmy Award. C'hoariet en deus ivez evit ar skinwel e-barzh Lonesome Dove (1989), The Sopranos (2004, 2006), 30 Rock (2007–2013), Horace and Pete (2016), ha Miracle Workers (2019–2023). Buscemi a zo bet filmaozer ivez evit ar filmoù Trees Lounge (1996), Animal Factory (2000), hag Interview (2007).

Enorioù

E 2014 e oa bet lakaet Buscemi da penn batailhon a-enor eus an New York City Fire Department dre ma oa bet pomper pa oa yaouank, ha dre ma oa deuet en-dro er servij pa oa bet Gwalldaolioù an 11 a viz Gwengolo 2001. Labouret en doa 12 eurvezh, e-pad meur a zevezh diouzh renk gant pomperien ar gêr, evit klask tud chomet bev e dismantroù ar World Trade Center^[3].