Stateville Correctional Center
| Deiziad krouiñ | 1925  |
|---|---|
| Bro | Stadoù-Unanet |
| E tiriad | Will County |
| Daveennoù douaroniel | 41°34′44″N 88°5′39″W |
| Oberataer | Illinois Department of Corrections |
| Deiziad digoradur ofisiel | 1925 |
Stateville Correctional Center (SCC) zo un toull-bac'h stad a live surentez uhel (gant an nebeutañ a wirioù aotreet d'ar brizonidi) evit ar baotred ha lec'hiet e Crest Hill, en Illinois, er Stadoù-Unanet , nepell diouzh Chicago.[1][2] Ul lodenn eo eus Departamant toulloù-bac'h Illinois.
Lec'h lazhañ
[kemmañ | kemmañ ar vammenn]Toull-bac'h Stateville a oa bet unan eus an tri lec'h lazhañ gant tredan en Illinois. Ar gador-dredan a oa bet implijet evit ar wech kentañ e Stateville e 1949. A-roak implij ar gador-dredan se e oa implijet e toull-bac'h Joliet.[3] Lec'hioù ar boan a varv dre gador-dredan all a oa Menard Correctional Center e Chester ha Cook County Jail e Chicago.
E miz Gouhere 1977, e oa bet adlakaet ar boan a varv en Illinois. D'an 8 a viz Gwengolo 1983, e oa bet choazet an ensinkladur marvus evel doare da lazhañ en Illinois, met chomet e oa bet implij ar gador-dredan kenkas ma oa ezhomm erlec'hiañ an ensinkladur. Unnek lazhadenn a oa bet graet dre implij an ensinkladur marvus e toull-bac'h Stateville etre miz Gwengolo 1990 ha miz Genver 1998. E miz Meurzh 1998, lec'h al lazhadennoù a oa bet dilojet da 305km betek an Tamms Correctional Center e Tamms, en Illinois.[4]
D'an 9 a viz Meurzh 2011, ar gouarnour Pat Quinn en devoa sinet un dekred a baoueze gant ar boan a varv e stad Illinois.[5]
Prizonidi brudet
[kemmañ | kemmañ ar vammenn]Lakaet d'ar marv
[kemmañ | kemmañ ar vammenn]- Charles Walker – Muntrer doubl lakaet d'ar marv e 1990 goude fin e holl c'halvoù. Deuet da vezañ ar c'hentañ den lakaet d'ar marv en Illinois abaoe 1962.
- John Wayne Gacy – Lazher a steudad ha gwaller kondaonet e 1980 evit gwalladenn ha muntr 33 bugel ha krennard. Degaset eus Menard Correctional Center betek Stateville Correctional Center evit e lazhadenn dre ensinkladur marvus d'an 9 a viz Mae 1994, ha disklêriet marv da 12:58 d'an devezh war-lec'h. [6]
- Hernando Williams ha James Free, lazhet an daou d'an 22 a viz Meurzh 1995 evit muntroù disheñvel; ar c'hentañ ha diwezhañ lazhadenn doubl a oa bet memes devezh en Illinois en amzer a-vremañ. Williams a oa bet kavet klablus eus muntr ha gwaladenn Linda Goldstone e 1978, padal Free a oa bet lakaet da gablus eus muntr ha gwalladenn Bonnie Serpico e 1978.[7]
- Charles Albanese – Lazher a steudad en doa ampoezonet tri den gant arsenik evit kaout an hêrez. Lazhet e 1995.
- Girvies Davis – Lazher a steudad en doa lazhet pevar den d'an nebeutañ e-kerzh laeradennoù. Lazhet e 1995. Harper yaouankañ Davis, Richard Holman, a oa bet kondaonet d'an toull-bac'h dibad, ne oe ket bet kondoanet d'ar marv dre ma oa eñ ur miz nebeutoc'h evit an oad a 18 vloaz.
- Raymond Lee Stewart – Lazher a-yoc'h en doa lazhet 6 den. Lazhet e 1996.
Notennoù ha daveennoù
[kemmañ | kemmañ ar vammenn]- ↑ 2010 CENSUS – CENSUS BLOCK MAP: Crest Hill city, IL." (Archive) U.S. Census Bureau. 29 a viz Mae 2025.
- ↑ "Stateville Correctional Center Patrom:Webarchive." Illinois Department of Corrections. 29 a viz Mae 2025. "Business Mail: 16830 So. Broadway St. P.O. Box 112 Joliet, IL 60434 "
- ↑ Inside the Big House: The Old Joliet Prison (1858-2002).
- ↑ NEW STATE PRISON PUTS ALL INMATES IN SOLITARY.
- ↑ Illinois Abolishes the Death Penalty (March 9, 2011).
- ↑ "Gacy Execution Delay Blamed on Clogged IV Tube" (May 11, 1994).
- ↑ "Ill. executes two killers an hour apart", Tampa Bay Times (March 23, 1995).